વાંસદામાં વીસ મિનિટમાં દીપડો બે યુવક ઉપર ત્રાટક્યો..

વાત્સલ્યમ્ સમાચાર

પ્રિતેશ પટેલ – વાંસદા,

વાંસદામાં વીસ મિનિટમાં દીપડો બે યુવક ઉપર ત્રાટક્યો..

વાંસદા દક્ષિણ ગુજરાતના ગામોમાં દીપડાનો આંતક વધી ગયો છે. નવસારી, ડાંગના જંગલોમાંથી દીપડો ગમે ત્યારે ખેતરોમાં ચઢી આવે છે અને પશુ, મનુષ્યો પર હુમલો કરે છે. આવી જ ઘટના વાંસદામાં બની છે. અહીં માત્ર 20 મિનીટના ટૂંકા સમયગાળામાં હિંસક દીપડાએ બે યુવકો પર હુમલો કરી તેઓને લોહીલુહાણ કરી દીધા હતા. જોકે, બંને યુવકોએ હિંમતભેર દીપડાનો સામનો કરતા તેઓના જીવ બચી ગયા હતા.

વાંસદા તાલુકાના સિણધઈ ગામે રાજમલા ફળિયામાં રહેતા દાઉદ મુસાભાઈ માંકડાની જમીનમાં ખેતીના કામ માટે મજૂરો રાખવામાં આવ્યા હતા. જે પૈકી મજૂર યશવંત રાઠોડ ખેતી કામ માટે જઈ રહ્યા હતા તે દરમિયાન સવારે આશરે 9: 30 વાગ્યાના અરસામાં દિપડાએ તેમની ઉપર હુમલો કરી જમણા હાથ ઉપર બચકા ભરી લોહી લુહાણ કરી ગંભીર રીતે ઘાયલ કરતા તેમને કોટેજ હોસ્પિટલમાં લઈ જવાયા હતા, જ્યાં તેમને હાથ ઉપર આઠથી દશ ટાંકા લેવા પડ્યા હતા…