૨૪ ફેબ્રુઆરીએ લોધિકા ગામે યોજાનારી ૧૭ પ્લોટની જાહેર હરરાજી મુલતવી

તા.૨૨ ફેબ્રુઆરી

વાત્સલ્યમ્ સમાચાર

રાજકોટ જિલ્લાના લોધિકા તાલુકાના લોધિકા ગામે ૨૪ ફેબ્રુઆરીના રોજ જુદા-જુદા સ્થળે યોજાનાર કુલ ૧૭ પ્લોટની જાહેર હરરાજી અનિવાર્ય સંજોગોના કારણે મુલતવી રાખવામાં આવેલ છે. આ હરરાજીમાં ચાંદલી નાકા પાસે કુલ ૧૦ પ્લોટ જે ૯૪.૦૫ ચો.મી.થી ૧૮૮.૧૦ ચો.મી.ના તેમજ દરબારગઢ પાછળના જે ૧૫૨.૪૨થી ૧૬૭.૨૨ ચો.મી.ના કુલ ૬ પ્લોટ અને થોરડી રોડ પાસે ૨૫૦.૮૩ ચો.મી.ના એક પ્લોટનો સમાવેશ થાય છે, તેમ તાલુકા વિકાસ અધિકારીશ્રી, લોધિકાની યાદીમાં જણાવાયું છે.