રાજ્યમાં સંખ્યાબંધ વિસ્તારોમાં માવઠાની આગાહી

રાજ્યમાં વેસ્ટર્ન ડિસ્ટર્બનને કારણે છેલ્લા કેટલાક સમયથી અનેક જિલ્લાઓમાં કમોસમી વરસાદ વરસ્યો છે. કેટલાક વિસ્તારોમાં અષાઢ મહિનાની માફક ગાજવીજ સાથે વરસાદ વરસ્યો છે તો ઘણા વિસ્તારોમાં કરા સાથે માવઠું થયું છે. આ કમોસમી વરસાદને કારણે પાકને મોટા પાયે નુકસાન થયુ છે. પાકને નુકસાન થવાના કારણે ખેડૂતોની ચિંતા હજુ પુરી નથી થઈ ત્યારે હવે ફરીથી માવઠાની આગાહી કરતા ખેડૂતોની ચિંતામાં વધારો થયો છે. હવામાન વિભાગ દ્વારા આગામી ત્રણ દિવસ બાદ અમદાવાદ સહિત અનેક વિસ્તારોમાં માવઠું થવાની આગાહી કરી છે. હવામાન વિભાગ દ્વારા જણાવવામાં આવ્યુ છે કે રાજ્યમાં આગામી 29મી તારીખે ભારે પવન સાથે માવઠું થવાની સંભાવના છે.