વાત્સલ્યમ્ સમાચાર
આણંદ ખાતે EVM અને VVPAT નું ફર્સ્ટ લેવલ ચેકિંગ કરાયું
તાહિર મેમણ આણંદ : 03/10/2023 મંગળવાર :: લોકસભા સામાન્ય ચૂંટણી-૨૦૨૪ની પૂર્વ તૈયારીના ભાગરૂપે ભારતના ચૂંટણી પંચની સુચના અનુસાર અને જિલ્લા ચૂંટણી અધિકારી અને જિલ્લા કલેક્ટર શ્રી પ્રવીણ ચૌધરીના માર્ગદર્શન હેઠળ આજે તા. ૦૩/૧૦/૨૦૨૩ થી રાજકીય પક્ષોની ઉપસ્થિતિમાં ઇવીએમ વેરહાઉસ, આણંદ ખાતે EVM અને VVPAT ના ફર્સ્ટ લેવલ ચેકિંગની કામગીરી શરૂ કરવામાં આવી છે.
આ ચેકિંગ દરમિયાન ૨૭૭૭ B.U., ૨૫૨૧ C.U. તથા ૨૬૮૪ VVPAT નું ફર્સ્ટ લેવલ ચેકિંગ કરવામાં આવશે, જેના માટે ચૂંટણીપંચ દ્વારા ૮ ઇજનેરો અને 30 અધિકારી-કર્મચારીઓ ફાળવવામાં આવ્યા હોવાનું કલેક્ટર કચેરીની યાદીમાં જણાવાયું છે.
