DAHOD

ફતેપુરા તાલુકાના ડુંગરામાં ખેતરમાં પતંગ ચગાવતા સાત વર્ષીય બાળકના માથામાં બચકા ભર્યા 

તા.11.01.2023

વાત્સલ્યમ સમાચાર

અજય સાંસી દાહોદ

ફતેપુરા તાલુકાના ડુંગરામાં ખેતરમાં પતંગ ચગાવતા સાત વર્ષીય બાળકના માથામાં બચકા ભર્યા

 

દાહોદ જિલ્લામાં રખડતા શ્વાનનો દિવસે દિવસે આતંક વધતો જોવા મળી રહ્યો છે. થોડા દિવસો પહેલાં સુખસર પંથકમાં પણ એક શ્વાને 15થી વધુ લોકોને બચકાં ભરીને ઘાયલ કર્યા હતાં. ત્યારે સોમવારના રોજ ફતેપુરા તાલુકાના ડુંગરા ગામે પાંચેક મિત્રો ખેતરમાં પતંગ ચગાવી મોજ કરી રહ્યા હતાં.તે વખતે ત્યાં ચઢી આવેલું શ્વાન ગળી ફળિયામાં રહેતાં 7 વર્ષિય વિકેશ મુકેશભાઇ ભાભોર પાછળ દોડ્યું હતું. જેથી શ્વાનથી બચવા વિકેશે પણ દોટ મુકી હતી. ભાગતાં-ભાગતાં વિકેશ પડી ગયો હતો. ત્યારે પાછળ પડેલા શ્વાને તેના માથામાં બચકાં ભરતાં સાથે પતંગ ચગાવતા મિત્રોમાં ભયને કારણે નાસભાગ મચી ગઇ હતી. ત્યારે ઘટના સ્થળે ધસી ગયેલા વિકેશના પરિવાર દ્વારા તેને લોહીલુહાણ હાલતમાં ફતેપુરાના સરકારી દવાખાને ખસેડ્યો હતો. ગંભીર ઇજાને કારણે પ્રાથમિક સારવાર બાદ વિકેશને દાહોદની ઝાયડસ હોસ્પિટલમાં ખસેડવામાં આવ્યો હતો. તેને અહીં સારવાર માટે દાખલ કરવામાં આવ્યો છે. આ ઘટના આખા ડુંગરા ગામમાં ચર્ચા નો વિષય બની છે.

પરશોત્તમ રૂપાલાના વિવાદ વચ્ચે કબરાઉ મોગલ ધામના મણીધર બાપુ ક્ષત્રિયાણીઓ ને વિનંતી કરતા બાપુ :જુઓ વિડિયો

Back to top button
error: Content is protected !!