દાહોદના વાંકિયા ગામની મેરી પંચાયત એપમાં આંકડાનો ફેરફાર કરી ખોટું થયા હોવાના આરોપ સાથે આવેદન આપી TDO ને રજુઆત કરાઈ
તા.૨૦.૦૨.૨૦૨૬
વાત્સલ્યમ્ સમાચાર
અજય સાંસી દાહોદ
Dahod:દાહોદના વાંકિયા ગામની મેરી પંચાયત એપમાં આંકડાનો ફેરફાર કરી ખોટું થયા હોવાના આરોપ સાથે આવેદન આપી TDO ને રજુઆત કરાઈ 
ડિજિટલ ઇન્ડિયાના જમાનામાં બધું જ ઓનલાઇન થઈ રહ્યું છે, પણ શું તમે ક્યારેય સાંભળ્યું છે કે આખેઆખા ગામની જ્ઞાતિ જ ઓનલાઇન બદલી નાખવામાં આવે? જી હા, આવો જ એક ચોંકાવનારો કિસ્સો સામે આવ્યો છે વાંકીયા ગ્રામ પંચાયત માં. જ્યાં સરકારી પોર્ટલ પર આંકડાની એવી રમત રમાઈ છે કે જોનારા પણ માથું ખંજવાળતા થઈ જાય તેવા આક્ષેપો કરવામાં આવ્યા છે વાંકીયા ગામની સરકારની ‘મેરી પંચાયત એપ’ અને ‘ઈ-ગ્રામ સ્વરાજ પોર્ટલને લઈને ગ્રામજનોનો આક્ષેપ છે કે આ પોર્ટલ પર જાણીજોઈને ખોટા આંકડા પધરાવી દેવામાં આવ્યા છે. વાંકીયા ગામ જે ખરેખર ST (અનુસૂચિત જનજાતિ) કેટેગરીમાં આવે છે, ત્યાં ઓનલાઇન ડેટા મુજબ ST ની સંખ્યા માત્ર 5 બતાવવામાં આવી છે જ્યારે ગામમાં જે કેટેગરીની સંખ્યા નહિવત છે તેવી SC (અનુસૂચિત જાતિ) ની સંખ્યા 2580 દર્શાવી દેવાઈ છે.ત્યારે સવાલ એ ઉભો થાય છે કે કુલ 2585 મતદારો ધરાવતા આ ગામમાં આટલી મોટી ભૂલ કેવી રીતે થઈ શકે? શું આ માત્ર ટાઈપિંગ મિસ્ટેક છે? કે પછી અધિકારીઓની મિલીભગતથી કરવામાં આવેલું કોઈ મોટું ષડયંત્ર? ગ્રામજનોનું માનવું છે કે સાચી કેટેગરીના લોકોને મળવાપાત્ર લાભોથી વંચિત રાખવા અને રાજકીય અન્યાય કરવા માટે આ ખેલ ખેલાયો છે.હાલ તો વાંકીયા ગામના આ આરોપને લઈ જાગૃત નાગરિકોએ આ બાબતે ઉચ્ચ સ્તરે રજૂઆત કરી છે. તેમની માંગ છે કે તાત્કાલિક ધોરણે ઓનલાઇન આંકડા સુધારી સાચી વિગત અપડેટ કરવામાં આવે.આ ગંભીર બેદરકારી દાખવનાર કે ઈરાદાપૂર્વક ફેરફાર કરનાર અધિકારીઓ સામે ફોજદારી ગુનો દાખલ થાય તેવી માંગ પણ કરવામાં આવી છે
