SURENDRANAGARSURENDRANAGAR CITY / TALUKOWADHAWAN

સુરેન્દ્રનગર ખાતે જિલ્લાનું વિજ્ઞાન-ગણિત-પર્યાવરણ પ્રદર્શન યોજાયું.

તા.06/01/2023/બાવળિયા ઉમેશભાઈ સુરેન્દ્રનગર

નાયબ મુખ્ય દંડકએ જિલ્લાનું ગણિત વિજ્ઞાન પર્યાવરણ પ્રદર્શનને ખુલ્લું મૂકી વિદ્યાર્થીઓની કૃતિને રસપૂર્વક નિહાળી.

ગુજરાત શૈક્ષણિક સંશોધન અને તાલીમ પરિષદ ગાંધીનગર દ્વારા પ્રેરિત જિલ્લા શિક્ષણ તાલીમ ભવન, જિલ્લા શિક્ષણાધિકારીની કચેરી અને જિલ્લા પ્રાથમિક શિક્ષણાધિકારીની કચેરીના સંયુક્ત ઉપક્રમે નાયબ મુખ્ય દંડક જગદીશભાઈ મકવાણાની ઉપસ્થિતિમાં આર્ટ્સ એન્ડ સાયન્સ કોલેજ, સુરેન્દ્રનગર ખાતે જિલ્લાનું વિજ્ઞાન- ગણિત-પર્યાવરણ પ્રદર્શન યોજાયું હતું આ કાર્યક્રમમાં નાયબ મુખ્ય દંડક જગદીશભાઈ મકવાણાએ જણાવ્યું હતું કે, વિદ્યાર્થીઓમાં વૈજ્ઞાનિક અભિગમ કેળવાય તેમજ વિદ્યાર્થીઓનું વિશેષ જ્ઞાન બહાર લાવવા માટે આવા વિજ્ઞાન પ્રદર્શન યોજવામાં આવતા હોય છે આવા પ્રદર્શનો થકી બાળકોમાં રહેલી સંશોધન વૃતિ અને સુષુપ્ત શક્તિઓ બહાર આવે છે અને તેઓ નવીન ટેકનોલોજી વિશે અવનવા સંશોધનો તરફ પ્રેરાય છે વધુમાં તેમણે જણાવ્યું હતું કે, આજનો સમય ટેકનોલોજીનો સમય છે. આ ટેકનોલોજીના માધ્યમથી દુનિયાની કોઈપણ ઘટનાની માહિતી ઝડપથી મળી જાય છે. આવા સમયે બાળકોને વિજ્ઞાનની અવનવી શોધો તરફ લઈ જવા આવા પ્રદર્શનો ખૂબ મહત્વના સાબિત થાય છે. નાયબ મુખ્ય દંડકએ આ પ્રદર્શનમાં ભાગ લેનાર બાળકોને અભિનંદન પાઠવીને આગામી દિવસોમાં જિલ્લાનું નામ રોશન કરવા શુભેચ્છા પણ પાઠવી હતીવઆ કાર્યક્રમમાં જિલ્લા કલેકટર કે.સી સંપટે જણાવ્યું હતું કે, આજના સમયની મુખ્ય જરૂરિયાત રિસર્ચ છે આવા ગણિત વિજ્ઞાન પ્રદર્શન જેવા કાર્યક્રમો થકી જ બાળકોને સંશોધનમાં રસ પડે છે અને પોતાની અંદર રહેલી સંશોધન શક્તિઓ બહાર લાવવા તે પ્રયત્નશીલ બને છે વધુમાં કલેકટરશ્રીએ આજના પ્રદર્શનમાં પસંદ થયેલ કૃતિઓ બદલ બાળકોને બિરદાવી આગામી સમયમાં મહેનત કરી ટેકનોલોજીનો યોગ્ય ઉપયોગ કરવા જણાવ્યું હતું આ કાર્યક્રમમાં નાયબ મુખ્ય દંડક અને ઉપસ્થિત મહાનુભાવોના હસ્તે વિદ્યાર્થીઓ તેમજ શિક્ષકોને શીલ્ડ અને પ્રમાણ પત્રનું વિતરણ કરવામાં આવ્યું હતું કાર્યક્રમ બાદ નાયબ મુખ્ય દંડક તેમજ મહાનુભાવોએ રીબીન કાપી જિલ્લાનું ગણિત – વિજ્ઞાન – પર્યાવરણ પ્રદર્શનને ખુલ્લું મૂકી વિદ્યાર્થીઓની કૃતિને રસપૂર્વક નિહાળી હતી આ કાર્યક્રમમાં નગરપાલિકાના પ્રમુખ વિરેન્દ્રભાઈ આચાર્ય, જિલ્લા શિક્ષણ સમિતિના ચેરમેન નરેન્દ્રભાઈ મુંજપરા, જી.સી.ઈ.આર.ટી.ના રીડર વિજયભાઈ પટેલ, એમ.પી. શાહ આર્ટસ એન્ડ સાયન્સ કોલેજના આચાર્ય અમિતભાઈ મિશ્રા, જિલ્લા શિક્ષણ અને તાલીમ ભવનના પ્રાચાર્ય સી.ટી. ટુંડિયા, જિલ્લા શિક્ષણાધિકારી કે.એન.બારોટ, જિલ્લા પ્રાથમિક શિક્ષણાધિકારી શિલ્પા પટેલ સહિત જિલ્લાના શિક્ષકો અને વિદ્યાર્થીઓ ઉપસ્થિત રહ્યા હતા.

પરશોત્તમ રૂપાલાના વિવાદ વચ્ચે કબરાઉ મોગલ ધામના મણીધર બાપુ ક્ષત્રિયાણીઓ ને વિનંતી કરતા બાપુ :જુઓ વિડિયો

Back to top button
error: Content is protected !!