NATIONAL

બાબા રામદેવે સુપ્રીમ કોર્ટમાં માંગી માફી, કોર્ટે કહ્યું આ સ્વીકાર્ય નથી, સરકારે આંખ આડા કાન કર્યા ?

ભ્રામક જાહેરાતના કેસમાં સુપ્રીમ કોર્ટે મંગળવારે બાબા રામદેવ અને પતંજલિ આયુર્વેદના મેનેજિંગ ડિરેક્ટર આચાર્ય બાલકૃષ્ણને તેમનો જવાબ દાખલ કરવા માટે છેલ્લી તક આપી છે. કોર્ટે એક સપ્તાહમાં જવાબ દાખલ કરવા જણાવ્યું હતું. આગામી સુનાવણી 10 એપ્રિલે થશે. કોર્ટે કહ્યું કે રામદેવ અને બાલકૃષ્ણ સુનાવણીમાં હાજર રહે.

આજે સુનાવણી દરમિયાન રામદેવના વકીલ બલવીર સિંહે કોર્ટને કહ્યું કે યોગ ગુરુ માફી માંગવા માટે અહીં હાજર છે. ભીડને કારણે કોર્ટરૂમમાં ન આવી શક્યા. એફિડેવિટ જોયા બાદ કોર્ટે તેને ઠપકો આપતા કહ્યું કે તે યોગ્ય સોગંદનામું નથી.

જ્યારે બલવીર સિંહે માફી પત્ર વાંચી સંભળાવ્યો ત્યારે કોર્ટે કહ્યું કે આવા કિસ્સાઓમાં જે વ્યક્તિ આદેશનું ઉલ્લંઘન કરે છે તે માફી માંગે છે. અમે રામદેવના વકીલની માફી સાંભળવા માંગતા નથી. જસ્ટિસ હિમા કોહલી અને જસ્ટિસ અમાનતુલ્લાહની બેંચે કહ્યું, “અમે રજિસ્ટ્રારને આ બંને વિરુદ્ધ ખોટા નિવેદનનો કેસ શરૂ કરવાનો નિર્દેશ આપીએ છીએ.”

કોર્ટે બલબીર સિંહને કહ્યું- તમે તૈયાર રહો. સુપ્રીમ કોર્ટની ફટકાર બાદ રામદેવ અને બાલકૃષ્ણ કોર્ટ રૂમમાં પહોંચ્યા અને રામદેવે બિનશરતી માફી માંગી.

બેન્ચે કહ્યું, “માત્ર સુપ્રીમ કોર્ટ જ નહીં, પરંતુ દેશની દરેક કોર્ટના આદેશોનું સન્માન કરવું જોઈએ. તમારે કોર્ટના નિર્દેશોનું પાલન કરવું પડ્યું અને તમે દરેક હદ વટાવી દીધી.” કોર્ટે કહ્યું કે જ્યારે પતંજલિ દરેક શહેરમાં જઈને કહી રહી હતી કે એલોપેથી કોવિડમાં કોઈ રાહત આપતી નથી, તો પછી કેન્દ્રએ શા માટે આંખો બંધ કરી હતી.

સાચું સોગંદનામું ન દાખલ કરવા પર, કેન્દ્ર વતી સોલિસિટર જનરલ તુષાર મહેતાએ કહ્યું કે જે થયું તે નહોતું થવું જોઈએ. મહેતાએ રામદેવ અને પતંજલિના વકીલોને સહકાર આપવાની ઓફર કરી હતી.
સુપ્રીમ કોર્ટ 17 ઓગસ્ટ, 2022ના રોજ ઈન્ડિયન મેડિકલ એસોસિએશન (IMA) દ્વારા દાખલ કરવામાં આવેલી અરજી પર સુનાવણી કરી રહી હતી. તેમાં કહેવામાં આવ્યું છે કે પતંજલિએ કોવિડ રસીકરણ અને એલોપેથી વિરુદ્ધ નકારાત્મક પ્રચાર કર્યો હતો. તે જ સમયે, તેણે પોતાની આયુર્વેદિક દવાઓથી કેટલાક રોગોનો ઇલાજ કરવાનો ખોટો દાવો કર્યો.

પરશોત્તમ રૂપાલાના વિવાદ વચ્ચે કબરાઉ મોગલ ધામના મણીધર બાપુ ક્ષત્રિયાણીઓ ને વિનંતી કરતા બાપુ :જુઓ વિડિયો

Leave a Reply

Your email address will not be published. Required fields are marked *

Back to top button
error: Content is protected !!