MORBI:મોરબીમાં એ-ડિવિઝન પોલીસના બે સ્થળે દરોડા: ૩ મહિલા સહિત ૧૫ જુગારી ઝડપાયા, ₹૧.૨૧ લાખથી વધુનો મુદ્દામાલ જપ્ત
મોરબી:શહેરમાં અસામાજિક પ્રવૃત્તિઓ સામે કડક વલણ અપનાવતા મોરબી સિટી ‘એ’ ડિવિઝન પોલીસે મહેન્દ્રપરા અને કબીર ટેકરી વિસ્તારમાં અલગ-અલગ બે સ્થળોએ દરોડા પાડ્યા હતા. આ કાર્યવાહી દરમિયાન જાહેરમાં તીનપત્તીનો જુગાર રમતા ૩ મહિલા સહિત કુલ ૧૫ શખ્સોને ઝડપી પાડી રોકડ તેમજ મોબાઈલ ફોન સહિત કુલ ₹૧,૨૧,૧૯૦નો મુદ્દામાલ કબજે કર્યો છે.
પહેલો દરોડો: મહેન્દ્રપરા શેરી નં. ૧૦-૧૧ વચ્ચે પોલીસ ટીમ પેટ્રોલિંગમાં હતી તે દરમિયાન મહેન્દ્રપરા વિસ્તારમાં શેરી નં. ૧૦ અને ૧૧ વચ્ચે જાહેરમાં જુગાર રમતા ૮ ઈસમોને ઝડપી લેવામાં આવ્યા હતા.
ઝડપાયેલા આરોપીઓ: પરેશભાઈ મનહરલાલ પાટડીયા, વિપુલભાઈ ખેંગારભાઈ ખીંટ, રમેશભાઈ દેવાભાઈ લામકા, નિતીનભાઈ નાગજીભાઈ બજાણીયા, ભાલુભાઈ રતાભાઈ ખીંટ, કાનજીભાઈ રામજીભાઈ પરમાર, રવીભાઈ દેવાભાઈ રાઠોડ અને આર્યનભાઈ ભાલુભાઈ ખીંટ.જપ્ત મુદ્દામાલ: રોકડ ₹૪૭,૯૯૦ તથા ₹૫૮,૫૦૦ની કિંમતના ૭ મોબાઈલ ફોન મળી કુલ ₹૧,૦૬,૪૯૦.
બીજો દરોડો: કબીર ટેકરી વિસ્તાર બીજી રેઈડ દરમિયાન પોલીસે કબીર ટેકરી વિસ્તારમાં જાહેરમાં જુગાર રમતી ૩ મહિલાઓ સહિત ૭ વ્યક્તિઓની ધરપકડ કરી હતી.
ઝડપાયેલા આરોપીઓ: વિશાલભાઈ ધીરજભાઈ અંગેચણીયા, શિવાભાઈ વિરજીભાઈ ડોડીયા, જયેશભાઈ શ્યામજીભાઈ અંગેચણીયા, યોગેશભાઈ મગનભાઈ વાઘાણી, અલ્પાબેન મનસુખભાઈ લાલવાણી, ભાવનાબેન ઉર્ફે ભાવલી બાબુભાઈ અબાસણીયા અને સુનીતાબેન નીતિનભાઈ અંગેચણીયા.
જપ્ત મુદ્દામાલ: રોકડ ₹૧૪,૭૦૦.પોલીસે બંને સ્થળેથી ઝડપાયેલા તમામ ૧૫ આરોપીઓ વિરુદ્ધ જુગારધારા હેઠળ ગુનો નોંધી આગળની કાયદેસરની તપાસ હાથ ધરી છે.
