22 વર્ષીય મહિલા સાથેના કથિત ગેંગરેપ કેસના આરોપી અને ભાજપના પૂર્વ ધારાસભ્યએ રાજીનામું આપવું પડ્યું છે. આમ સત્તાધારી પાર્ટીના ધારાસભ્યનું નામ ગેંગરેપમાં સામે આવતા રાજ્ય સહીત સમગ્ર દેશમાં માહોલ ગરમાયો છે.
જેમાં મહારાષ્ટ્રના ઠાણેમાં 22 વર્ષીય મહિલા સાથેના કથિત ગેંગરેપ કેસમાં આરોપી બનેલા કલ્યાણ પશ્ચિમના પૂર્વ બીજેપી વિધાયક નરેન્દ્ર પવારે પાર્ટીમાંથી રાજીનામું આપી દીધું છે. પવારે મહારાષ્ટ્ર બીજેપી અધ્યક્ષ રવીન્દ્ર ચવ્હાણને રાજીનામું સોંપતા જણાવ્યું કે, તેમની વિરુદ્ધ ખોટા કેસ દાખલ કરવામાં આવી રહ્યા છે અને તેમની છબી ખરાબ કરવાનું ષડ્યંત્ર રચાઈ રહ્યું છે.
ઠાણેના કથિત ગેંગરેપ કેસમાં આરોપી બનેલા પૂર્વ બીજેપી ધારાસભ્ય નરેન્દ્ર પવારે પાર્ટીમાંથી રાજીનામું આપ્યું છે અને તેને પોતાની વિરુદ્ધની ષડ્યંત્ર ગણાવ્યું છે. પોલીસે તેમની અને એક ડીસમિસ્ડ કોન્સ્ટેબલ સામે FIR નોંધી છે અને ધરપકડની કાર્યવાહી ચાલી રહી છે.
પોલીસે મહિલાની ફરિયાદના આધારે નરેન્દ્ર પવાર અને બરખાસ્ત ડીસમિસ્ડ કોન્સ્ટેબલ શૈલેશ પાટીલ સામે કેસ નોંધ્યો છે. મહિલાનો આરોપ છે કે તેમને ભિવંડીના બાપગાંવ સ્થિત એક ફાર્મહાઉસમાં લઈ જવામાં આવ્યા હતા અને ત્યાં યૌન હિંસા કરવામાં આવી હતી. પોલીસ મુજબ મહિલા પરણિત છે અને તેમનો વૈવાહિક વિવાદ ચાલી રહ્યો છે. આરોપ છે કે પવારે સમાધાન કરાવવાના બહાને તેમને બોલાવ્યા હતા અને 13 સપ્ટેમ્બરે આ ઘટના બની હતી.
FIR નોંધાયા બાદ પવારે કહ્યું કે, તેમની પ્રતિષ્ઠાને નુકસાન પહોંચાડવાનો પ્રયાસ થઈ રહ્યો છે. પાર્ટીની છબીને કોઈ નુકસાન ન થાય તે માટે તેઓ તમામ પદોમાંથી રાજીનામું આપી રહ્યા છે અને નેતૃત્વને તે સ્વીકારવાની વિનંતી કરી છે.
પીડિત મહિલાએ 16 સપ્ટેમ્બરે સોશિયલ મીડિયા દ્વારા કોંગ્રેસ પાર્ષદ કંચન કુલકર્ણીનો સંપર્ક કર્યો હતો. તેમને ઘટના વિશે જણાવ્યું અને અમુક પુરાવા પણ આપ્યા. કુલકર્ણીએ તેમને તાત્કાલિક પાડઘા પોલીસ સ્ટેશન લઈ જઈને ફરિયાદ નોંધાવી. પોલીસ મહાનિર્દેશક સદાનંદ દાતેના હસ્તક્ષેપ બાદ આ કેસ નોંધાયો. જેમાં બંને આરોપીઓની ધરપકડ માટે પોલીસ ટીમો કાર્યરત છે.
