🏠 ઘર ▶️ વિડિઓ સમાચાર़ 📰ઇ-પેપર 🔐લૉગિન કરો
જિલ્લા
લૉગિન
જિલ્લા

છોટાઉદેપુર નગરપાલિકાના નવા પ્રમુખ તરીકે રજનીબેન રાઠવાની બિનહરીફ વરણી

છોટાઉદેપુર નગરપાલિકાના નવા પ્રમુખ તરીકે સભ્યશ્રી ડૉ. રજનીબેન જયદીપભાઈ રાઠવાની બિનહરીફ વરણી કરવામાં આવી છે. પ્રમુખપદની જગ્યા ખાલી પડતાં યોજાયેલી ચૂંટણીમાં રજનીબેન રાઠવા એકમાત્ર ઉમેદવાર હોવાથી તેમની બિનહરીફ વરણીનો માર્ગ મોકળો થયો હતો. અગાઉ જિલ્લા મ્યુનિસિપલ ચૂંટણી અધિકારી અને છોટાઉદેપુરના કલેક્ટરના 27 જુલાઈ, 2026ના હુકમથી અગાઉનાં પ્રમુખને સભ્યપદ માટે ગેરલાયક ઠેરવવામાં આવતાં પ્રમુખપદની જગ્યા ખાલી પડી હતી. ત્યારબાદ 22 સપ્ટેમ્બર, 2026ના રોજ ચૂંટણી યોજવાનું નક્કી કરવામાં આવ્યું હતું, પરંતુ નિયત સમયે નગરપાલિકાના તમામ 27 ચૂંટાયેલા સભ્યો ગેરહાજર રહેતાં ખાસ સભા મુલતવી રાખવામાં આવી હતી. આજે યોજાયેલી ચૂંટણીમાં રજનીબેન રાઠવાનું એકમાત્ર ઉમેદવારીપત્ર રજૂ થયું હતું. સભ્ય વંદનકુમાર જયપ્રકાશ પંડ્યાએ તેમના નામની દરખાસ્ત કરી હતી, જ્યારે ઇન્ચાર્જ પ્રમુખ પરવેઝ મુસ્તફાઅલી મકરાણીએ દરખાસ્તને ટેકો આપ્યો હતો. પ્રમુખપદ માટે અન્ય કોઈ ઉમેદવાર ન હોવાથી રજનીબેન રાઠવાની બિનહરીફ વરણી કરવામાં આવી હતી. તેમની વરણી સાથે છોટાઉદેપુર નગરપાલિકાને નવા પ્રમુખ મળ્યા છે. હવે નગરના વિકાસકાર્યોને વેગ આપવા, નાગરિકોની સુવિધાઓમાં વધારો કરવા અને શહેરના વિવિધ પ્રશ્નોનું નિરાકરણ લાવવા નવા પ્રમુખની ભૂમિકા મહત્ત્વપૂર્ણ બની રહેશે.
રિપોર્ટર તોસીફ ખત્રી 
56
Default choosing

Did you like our plugin?

સૌથી વધુ વંચાયેલ

Horoscope

Weather

Powered by Tomorrow.io
વધુ વાંચો
error: Content is protected !!

જિલ્લા

શહેર પસંદ કરો