સમીર પટેલ, ભરૂચ
રાજ્યમાં માદક પદાર્થોના દુષણ સામે જનજાગૃતિ ફેલાવવા તેમજ “ડ્રગ્સ મુક્ત ગુજરાત”ના સંકલ્પને વધુ અસરકારક બનાવવા નબીપુર પોલીસ સ્ટેશન દ્વારા ડ્રગ્સ અવેરનેસ કાર્યક્રમનું આયોજન કરવામાં આવ્યું હતું.
આજરોજ નબીપુર પોલીસ સ્ટેશનના પોલીસ સબ-ઇન્સ્પેક્ટર ટી.આર. મોદીની અધ્યક્ષતામાં ઝનોર કન્યા શાળાની વિદ્યાર્થિનીઓ સાથે કાર્યક્રમ યોજાયો હતો. કાર્યક્રમ દરમિયાન શાળાની વિદ્યાર્થિનીઓને માદક પદાર્થોના સેવનથી થતા શારીરિક, માનસિક તેમજ સામાજિક નુકસાન અંગે જરૂરી માર્ગદર્શન આપવામાં આવ્યું હતું.
પોલીસ દ્વારા વિદ્યાર્થીઓને ડ્રગ્સથી દૂર રહેવા, આસપાસના વિસ્તારમાં માદક પદાર્થોના દુષણ સામે જાગૃતિ ફેલાવવા તેમજ નશામુક્ત સમાજના નિર્માણમાં સહભાગી બનવા અપીલ કરવામાં આવી હતી. કાર્યક્રમનો મુખ્ય ઉદ્દેશ યુવા પેઢીને ડ્રગ્સના દુષણથી બચાવી તેમાં જાગૃતિ કેળવવાનો રહ્યો હતો.
