15 ઓકટોમ્બર જીતેશ જોશી પાલનપુર બનાસકાંઠા
પાલનપુર તાલુકાની નામાંકિત શૈક્ષણિક સંસ્થા માતુશ્રી એસ.બી.વી. ચાવડા સરસ્વતી હાઇસ્કુલે ફરી એકવાર શિક્ષણ અને વિજ્ઞાન ક્ષેત્રે પોતાની શ્રેષ્ઠતા સાબિત કરી છે. તારીખ ૯ ઓક્ટોબર ૨૦૨૬ ના રોજ NIB સ્કૂલ ઓફ સાયન્સ ખાતે યોજાયેલ SVS કક્ષાના પાલનપુર તાલુકા ગણિત, વિજ્ઞાન અને પર્યાવરણ પ્રદર્શન માં શાળાના વિદ્યાર્થીઓએ ઉત્કૃષ્ટ પ્રદર્શન કરીને ઝળહળતી સફળતા મેળવી છે.
આ વિજ્ઞાન મેળામાં શાળાના બાળ વૈજ્ઞાનિકોએ પોતાની અદભુત પ્રતિભા અને ઈનોવેટિવ પ્રોજેક્ટ્સ રજૂ કરીને નીચે મુજબના ક્રમાંકો મેળવ્યા છે:
• પ્રથમ વિભાગ (વિભાગ-૧): પ્રથમ નંબર
• ચોથો વિભાગ (વિભાગ-૪): બીજો નંબર
• પાંચમો વિભાગ (વિભાગ-૫): બીજો નંબર
આ ભવ્ય સફળતા બદલ શાળા પરિવારમાં ભારે આનંદ અને ઉત્સાહનો માહોલ છે. શાળાના ટ્રસ્ટી મંડળ અને આચાર્યશ્રી દ્વારા આ પ્રોજેક્ટ્સ તૈયાર કરાવનાર તમામ વિજ્ઞાન શિક્ષકોને તેમના કુશળ માર્ગદર્શન બદલ અને રાત-દિવસ મહેનત કરીને શાળાનું નામ રોશન કરનાર તમામ વિદ્યાર્થીઓને હાર્દિક અભિનંદન પાઠવવામાં આવ્યા છે, તેમજ તેમના ઉજ્જવળ ભવિષ્ય માટે શુભેચ્છાઓ વ્યક્ત કરી છે.
