વાત્સલ્યમ્ સમાચાર
દિપક 
પટેલ-ખેરગામ
ખેરગામની જ્ઞાનધામ વિદ્યાલય ખાતે ‘વિકસિત ભારત @ 2047’ અંતર્ગત ખેલ મહાકુંભનું આયોજન પાટી મુકામે કરવામાં આવ્યું હતું. જેમાં શાળાના વિદ્યાર્થીઓએ ખો-ખો, કબડ્ડી તેમજ એથ્લેટિક્સ જેવી વિવિધ રમતોમાં ઉત્સાહપૂર્વક ભાગ લીધો હતો.તા. 27/09/2026, રવિવારના રોજ પાટી મુકામે તાલુકા કક્ષાની કબડ્ડી સ્પર્ધા યોજાઈ હતી. જેમાં જ્ઞાનધામ વિદ્યાલયની અંડર-17 છોકરીઓની કબડ્ડી ટીમે ઉત્કૃષ્ટ રમતનું પ્રદર્શન કરી દ્વિતીય સ્થાન પ્રાપ્ત કર્યું હતું.વિદ્યાર્થીનીઓની આ સિદ્ધિ બદલ જ્ઞાનધામ વિદ્યાલયના પ્રેસિડેન્ટ ધર્મેશભાઈ લાડ, ટ્રસ્ટીગણ, આચાર્યશ્રી જીતેશભાઈ પટેલ, કોચ મિતેશસર તેમજ સમગ્ર શિક્ષકગણે ટીમની ખેલાડીઓને અભિનંદન પાઠવી તેમની ઉજ્જવળ રમતગમત કારકિર્દી માટે શુભેચ્છાઓ પાઠવી હતી.
