MORBI:મોરબી કંડલા બાયપાસ પર પીએમ આવાસ યોજના પાસે જુગાર રમતી ૮ મહિલા સહિત ૯ શખ્સો ઝડપાયા
મોરબી સિટી એ-ડિવિઝન પોલીસ ટીમે પેટ્રોલિંગ દરમિયાન કંડલા બાયપાસ પર આવેલી પ્રધાનમંત્રી આવાસ યોજના નજીક જાહેરમાં ચાલતા તીનપત્તીના જુગારધામ પર દરોડો પાડી ૮ મહિલાઓ સહિત કુલ ૯ આરોપીઓને રંગેહાથ ઝડપી લીધા છે.
મળતી વિગતો અનુસાર, મોરબી સિટી એ-ડિવિઝન પોલીસનો સ્ટાફ વિસ્તારમાં પેટ્રોલિંગમાં હતો. તે દરમિયાન કંડલા બાયપાસ સ્થિત પીએમ આવાસ યોજના નજીક જાહેર જગ્યામાં ગંજીપત્તા વડે પૈસાની હાર-જીતનો જુગાર રમાતો હોવાની બાતમી મળી હતી. જેના આધારે પોલીસે સ્થળ પર રેડ કરતા તીનપત્તીનો જુગાર રમી રહેલા ૮ મહિલા અને ૧ પુરુષ મળી કુલ ૯ શખ્સો ઝડપાઈ ગયા હતા. પોલીસે ઘટનાસ્થળેથી રોકડા રૂપિયા ૧૨,૨૦૦/- નો મુદ્દામાલ કબજે કર્યો છે.
ઝડપાયેલા આરોપીઓના નામ: નીતાબા ઉર્ફે ચેતનાબા બળભદ્રસિંહ ઝાલા (રહે. આનંદનગર, મયુર સોસાયટી બાજુમાં, સામાકાંઠે, મોરબી) ગીતાબા જયેન્દ્રસિંહ ચુડાસમા (રહે. બ્લોક નં. બી/૬/૨૦૪, પી.એમ. આવાસ યોજના, કંડલા બાયપાસ, મોરબી) ઇલાબા ઉર્ફે આરતીબા મહેન્દ્રસિંહ જાડેજા (રહે. બી-૧૭, ત્રીજો માળ, પ્રધાનમંત્રી આવાસ, દલવાડી સર્કલ પાસે, મોરબી)ગંગાબેન બચુભાઈ ઠાકોર (રહે. બી-૪, ત્રીજો માળ, પ્રધાનમંત્રી આવાસ, દલવાડી સર્કલ પાસે, મોરબી)વર્ષાબેન સુરેશભાઈ રાઠોડ (રહે. બી-૮-૨૦૬, પ્રધાનમંત્રી આવાસ, દલવાડી સર્કલ, મોરબી) ચંપાબેન બચુભાઈ અઘારા (રહે. બી-૧૨, પ્રધાનમંત્રી આવાસ, દલવાડી સર્કલ, મોરબી) પ્રીતીબેન મુકેશભાઈ વસાણીયા રહે. ખુલ્લા પાસે, મયુર સોસાયટી, સામાકાંઠે, મોરબી) વિજયભાઈ ચંદુભાઈ ચૌધરી (રહે. શેરી નં-૩, લાયન્સનગર, શનાળા બાયપાસ, મોરબી) જાનકીબેન રાજેશભાઈ ચારેલા (રહે. ફ્લેટ નં-૪૦૫, કિરણ પોઈન્ટ, રવાપર ઝાંપા, મોરબી) મોરબી સિટી એ-ડિવિઝન પોલીસે તમામ આરોપીઓ વિરુદ્ધ જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.
