અરવલ્લી
અહેવાલ – હિતેન્દ્ર પટેલ
તરકવાડા પ્રાથમિક શાળામાં બાળકોને રાઇટિંગ પેડનું વિતરણ, શિક્ષક કિરણભાઈ પટેલની સેવાભાવનાની સરાહના
તરકવાડા : શિક્ષણ સેવા એ જ સાચી સમાજસેવા છે એ સૂત્રને સાર્થક કરતું પ્રેરણાદાયી કાર્ય તરકવાડા પ્રાથમિક શાળામાં હાથ ધરવામાં આવ્યું હતું. જલારામ પેટ્રોલિયમના ફાઉન્ડર અને તરકવાડા પ્રાથમિક શાળાના શિક્ષક કિરણભાઈ પટેલ દ્વારા શાળાના તમામ બાળકોને શૈક્ષણિક હેતુસર રાઇટિંગ પેડનું વિતરણ કરવામાં આવ્યું હતું.
બાળકોને અભ્યાસમાં ઉપયોગી શૈક્ષણિક સાધનો મળી રહે અને તેઓ વધુ ઉત્સાહ સાથે શિક્ષણ મેળવી શકે તેવા હેતુથી કરવામાં આવેલા આ કાર્યની શાળા પરિવાર તેમજ ગ્રામજનો દ્વારા પ્રશંસા કરવામાં આવી હતી. કિરણભાઈ પટેલની ઉદારતા, શિક્ષણ પ્રત્યેની લાગણી અને સેવાભાવનાને સૌએ બિરદાવી હતી.આવા સેવાકીય કાર્યો બાળકોના અભ્યાસમાં ઉપયોગી બનવાની સાથે તેમના ઉજ્જવળ ભવિષ્યના નિર્માણમાં પણ પ્રેરણારૂપ બને છે. આ પ્રસંગે તરકવાડા પ્રાથમિક શાળા પરિવાર દ્વારા કિરણભાઈ પટેલનો હાર્દિક આભાર વ્યક્ત કરી તેમને અભિનંદન પાઠવવામાં આવ્યા હતા.
