રિપોર્ટર
હિતેન્દ્ર ગોસાઈ
અમદાવાદ
અમદાવાદ, તા. 9 સપ્ટેમ્બર, 2026: અમદાવાદના વાસણા ખાતે ગોડવાડ ક્ષત્રિય ખટિક સમાજના ઉજ્જવળ ભવિષ્ય, અખંડ એકતા અને સર્વાંગી વિકાસને લઈને સમાજના આગેવાનો તથા શ્રેષ્ઠીઓની મહત્વપૂર્ણ બેઠક યોજાઈ હતી. બેઠકમાં અમદાવાદ સહિત સમગ્ર ગુજરાતમાં સમાજને વધુ સંગઠિત, સશક્ત અને એકજૂટ બનાવવા અંગે વિસ્તૃત ચર્ચા અને વિચારવિમર્શ કરવામાં આવ્યો હતો.
અમદાવાદ જેવા મોટા મહાનગરમાં ગોડવાડ ક્ષત્રિય ખટિક સમાજની સંગઠિત શક્તિને વધુ મજબૂત કેવી રીતે બનાવી શકાય, સમાજની વહીવટી અને સામાજિક શક્તિને યોગ્ય દિશામાં કેવી રીતે ઉપયોગી બનાવી શકાય તથા સમાજને વિકાસના સર્વોચ્ચ શિખર સુધી કેવી રીતે લઈ જઈ શકાય તે અંગે આગેવાનોએ પોતાના વિચારો રજૂ કર્યા હતા.
બેઠકમાં મુખ્યત્વે એ બાબત પર ભાર મૂકવામાં આવ્યો હતો કે અમદાવાદમાં ગોડવાડ ખટિક સમાજની વિવિધ સંસ્થાઓ અને સંગઠનો અલગ અલગ વિસ્તારોમાં કાર્યરત હોવાથી સમાજની સામૂહિક શક્તિનું સંપૂર્ણ સંકલન થઈ શકતું નથી. આ પરિસ્થિતિને ધ્યાનમાં રાખીને અમદાવાદને કેન્દ્રમાં રાખી ગુજરાતના વિવિધ વિસ્તારોમાં વસતા ગોડવાડ ખટિક સમાજના લોકોને એક મજબૂત સંગઠનના માધ્યમથી જોડવા અને સમાજની સર્વોચ્ચ સંસ્થાનો મજબૂત પાયો નાખવા માટે પ્રાથમિક તૈયારી હાથ ધરવામાં આવી છે.
બેઠકમાં સમાજના કાયમી ઉત્કર્ષ માટે શિક્ષણ, આરોગ્ય, રોજગાર, આર્થિક સશક્તિકરણ અને સામાજિક કલ્યાણ જેવા ક્ષેત્રોને પ્રાથમિકતા આપવાની જરૂરિયાત પર પણ ચર્ચા કરવામાં આવી હતી. ખાસ કરીને સમાજના છેવાડાના વર્ગ સુધી વિકાસના લાભો પહોંચે અને ગરીબમાં ગરીબ પરિવારને પણ શિક્ષણ, આરોગ્ય સહાય તથા વિવિધ કલ્યાણકારી યોજનાઓનો સીધો લાભ ઘરઆંગણે મળી રહે તે માટે વ્યવસ્થિત આયોજન કરવાની દિશામાં ચર્ચા થઈ હતી.
આગામી સમયમાં મજબૂત સંસ્થાકીય માળખું ઊભું કરી અમદાવાદ ઉપરાંત સમગ્ર ગુજરાત તથા દેશના અન્ય રાજ્યોમાં વસતા ગોડવાડ ખટિક સમાજના લોકો સાથે સંપર્ક સ્થાપિત કરવામાં આવશે. સમાજના વિવિધ ક્ષેત્રના આગેવાનો, યુવાનો અને પ્રતિભાશાળી વ્યક્તિઓને સાથે જોડીને સંસ્થાના ભવિષ્યના કાર્ય માટે વ્યવસ્થિત રોડમેપ તૈયાર કરવાની દિશામાં પણ ચર્ચા કરવામાં આવી હતી.
બેઠક દરમિયાન ઉપસ્થિત તમામ શ્રેષ્ઠીઓએ સમાજના સંગઠનને ગ્રાઉન્ડ લેવલથી મજબૂત બનાવવા માટે પોતાના મૂલ્યવાન મંતવ્યો, સૂચનો અને વિચારો રજૂ કર્યા હતા. સમાજની એકતા જાળવી રાખીને આગામી પેઢી માટે વધુ સુદૃઢ અને સમૃદ્ધ સામાજિક વ્યવસ્થા ઊભી કરવાનો સંકલ્પ વ્યક્ત કરવામાં આવ્યો હતો.
સમાજના દરેક વર્ગને સાથે લઈને શિક્ષણ અને આરોગ્ય ક્ષેત્રે સશક્તિકરણ, જરૂરિયાતમંદ પરિવારોને સહાય, યુવાનો માટે નવી તકોનું નિર્માણ અને સમાજના સર્વાંગી વિકાસ માટે લાંબા ગાળાનું આયોજન કરવાની જરૂરિયાત પર સૌએ એકમત વ્યક્ત કર્યો હતો.
બેઠકના અંતે ઉપસ્થિત તમામ શ્રેષ્ઠીઓએ સામાજિક સેવાની આ મહત્વપૂર્ણ શરૂઆતને આવકારી હતી અને સમાજની અખંડ એકતા તથા પ્રગતિ માટે હાથ ધરવામાં આવેલા આ પ્રયાસને બિરદાવ્યો હતો. ગોડવાડ ક્ષત્રિય ખટિક સમાજને ગુજરાતના અન્ય સમૃદ્ધ અને સંગઠિત સમાજોની સમકક્ષ સશક્ત બનાવવા માટે સૌએ એકજૂટ થઈને કાર્ય કરવાનો સંકલ્પ વ્યક્ત કર્યો હતો.
આ બેઠકને સમાજના સંગઠન, એકતા અને વિકાસની દિશામાં એક મહત્વપૂર્ણ શરૂઆત તરીકે જોવામાં આવી રહી છે.
— જય નાગોરા
