ધારાસભ્ય અનંતભાઈ પટેલના હસ્તે વિકાસકાર્યનો પ્રારંભ; ધર્મશાળાના પરિસરમાં સુવિધાઓમાં થશે વધારો
વાત્સલ્યમ સમાચાર
મદન વૈષ્ણવ
વાંસદા ખાતે આવેલી શ્રી હિન્દુ સમાજ ગઢી ધર્મશાળામાં ધારાસભ્ય ફંડમાંથી રૂ. ૫ લાખના ખર્ચે પેવર બ્લોક પાથરવાના વિકાસકાર્યનું ખાતમુહૂર્ત યોજાયું હતું. ૧૭૭-વાંસદા વિધાનસભા મતવિસ્તારના ધારાસભ્ય અનંતભાઈ પટેલના હસ્તે ગ્રામજનો દ્વારા આયોજિત કાર્યક્રમમાં વિધિવત્ ખાતમુહૂર્ત કરવામાં આવ્યું હતું.
શ્રી હિન્દુ સમાજ ગઢી ધર્મશાળા વાંસદા વિસ્તારની સામાજિક અને ધાર્મિક પ્રવૃત્તિઓનું મહત્વનું કેન્દ્ર છે. અહીં વિવિધ સામાજિક પ્રસંગો, ધાર્મિક કાર્યક્રમો અને સમાજના મેળાવડાઓનું આયોજન થતું રહે છે. આવા પ્રસંગોએ મોટી સંખ્યામાં લોકોની અવરજવર રહેતી હોવાથી ધર્મશાળાના પરિસરમાં પાયાની સુવિધાઓ વિકસાવવી જરૂરી છે. ત્યારે રૂ. ૫ લાખના ખર્ચે પેવર બ્લોક પાથરવાની કામગીરીથી પરિસર વધુ વ્યવસ્થિત અને ઉપયોગી બનશે તેમજ ધર્મશાળામાં આવતા લોકોને સુવિધા મળશે. ધારાસભ્ય ફંડમાંથી ફાળવવામાં આવેલી રૂ. ૫ લાખની ગ્રાન્ટના માધ્યમથી હાથ ધરાનારા આ કાર્યથી ધર્મશાળાના પરિસરમાં આવનારા નાગરિકોને અવરજવર કરવામાં સરળતા રહેશે. આ વિકાસકાર્ય પૂર્ણ થયા બાદ વિવિધ સામાજિક અને ધાર્મિક કાર્યક્રમો દરમિયાન લોકોને વધુ સુગમતા મળવાની અપેક્ષા છે. ખાતમુહૂર્ત કાર્યક્રમમાં વિરલભાઈ વ્યાસ, ઘનશ્યામભાઈ વ્યાસ, રાજેશભાઈ ગાંધી અને નટુભાઈ પંચાલ ધર્મેશભાઈ પુરોહિત હસમુખભાઈ શર્મા દીપકભાઈ શર્મા સહિતના મહાનુભાવો તથા ગ્રામજનો ઉપસ્થિત રહ્યા હતા. સૌની ઉપસ્થિતિમાં વિકાસકાર્યનો પ્રારંભ કરવામાં આવ્યો હતો. વાંસદાની સામાજિક સંસ્થાઓમાં માળખાકીય સુવિધાઓના વિકાસની દિશામાં આ કામગીરી મહત્વપૂર્ણ બની રહેશે. રૂ. ૫ લાખના ખર્ચે હાથ ધરાનારા પેવર બ્લોકના કામથી શ્રી હિન્દુ સમાજ ગઢી ધર્મશાળાના પરિસરનો ઉપયોગ વધુ સુવિધાજનક બનશે.
