તા.૨૫.૧૦.૨૦૨૬
વાત્સલ્યમ્ સમાચાર
અજય સાંસી દાહોદ 
Dahod:દાહોદ શહેરના એ ડિવિઝન પોલીસ સ્ટેશન નજીક રાત્રિના સુમારે બની ઘટના માથાના ભાગે ગંભીર ઇજાઓ થતા બંનેને હોસ્પિટલ ખસેડાયા
દાહોદ શહેરમાંથી એક ચોંકાવનારા સમાચાર સામે આવ્યા છે. સામાન્ય બાબતમાં મિત્રો વચ્ચે શરૂ થયેલો ઝઘડો એટલો વધી ગયો કે વાત મારામારી સુધી પહોંચી ગઈ હતી. આ હુમલામાં બે લોકો ગંભીર રીતે ઘાયલ થયા છે.દાહોદ શહેરના એ ડિવિઝન પોલીસ સ્ટેશન નજીક ગત રાત્રિના સમયે અચાનક જ વાતાવરણ તણાવપૂર્ણ બની ગયું હતું. પ્રાપ્ત માહિતી અનુસાર, બે મિત્રો વચ્ચે કોઈ નજીવી બાબતને લઈને બોલાચાલી એટલે કે ‘તું-તું મેં-મેં’ થઈ હતી.આ સામાન્ય બોલાચાલી સમય જતાં ઉગ્ર સ્વરૂપ ધારણ કરી ચૂકી હતી અને જોતજોતામાં મામલો મારામારી પર આવી ગયો હતો. આ ઝઘડા દરમિયાન ઉશ્કેરાટમાં હુમલો થતાં બંને મિત્રોના માથાના ભાગે ગંભીર ઇજાઓ પહોંચી હતી. લોહીલુહાણ હાલતમાં બંનેને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે, જ્યાં તેમની સારવાર ચાલી રહી છે.ઘટનાની જાણ થતાં જ સ્થાનિક પોલીસ કાફલો ત્વરિત ઘટના સ્થળે દોડી આવ્યો હતો. પોલીસે હાલ સમગ્ર મામલે ગુનો નોંધીને આગળની કાયદેસરની કાર્યવાહી હાથ ધરી છે
