વાત્સલ્યમ સમાચાર
મદન વૈષ્ણવ
અસત્ય પર સત્યના અને અધર્મ પર ધર્મના વિજયના પ્રતીક સમાન પવિત્ર વિજયાદશમી પર્વ નિમિત્તે નવસારી શહેરના કાલિયાવાડી ખાતે આવેલા હનુમાનજી મંદિરે ભક્તિભાવપૂર્વક ભવ્ય શસ્ત્ર પૂજન અને હનુમાન ચાલીસાના પાઠનું આયોજન કરવામાં આવ્યું હતું. આંતરરાષ્ટ્રીય હિન્દુ પરિષદ તથા બજરંગદળના આગેવાનો અને સમાજસેવી કાર્યકરોની ઉપસ્થિતિમાં વર્ષોથી ચાલી આવતી પરંપરા અનુસાર શાસ્ત્રોક્ત વિધિ-વિધાન સાથે શસ્ત્ર પૂજન કરવામાં આવ્યું હતું.
વિજયાદશમીનો પર્વ ભારતીય સંસ્કૃતિ અને સનાતન ધર્મમાં વિશેષ મહત્ત્વ ધરાવે છે. આ પર્વ ભગવાન શ્રીરામે રાવણ પર મેળવેલા વિજય અને ધર્મની અધર્મ પરની જીતનું સ્મરણ કરાવે છે. પરંપરા અનુસાર વિજયાદશમીના દિવસે કરવામાં આવતું શસ્ત્ર પૂજન શક્તિ, શૌર્ય, સાહસ, કર્તવ્યનિષ્ઠા અને ધર્મના રક્ષણના સંકલ્પનું પ્રતીક માનવામાં આવે છે.
કાલિયાવાડી સ્થિત હનુમાનજી મંદિરે આયોજિત કાર્યક્રમમાં શાસ્ત્રોક્ત વિધિ મુજબ શસ્ત્ર પૂજન કરવામાં આવ્યું હતું. ત્યારબાદ ઉપસ્થિત આગેવાનો અને કાર્યકરોએ સામૂહિક રીતે હનુમાન ચાલીસાના પાઠનું પઠન કરી ભગવાન હનુમાનજીની આરાધના કરી હતી. સમગ્ર કાર્યક્રમ ભક્તિમય વાતાવરણમાં સંપન્ન થયો હતો. આ પ્રસંગે આંતરરાષ્ટ્રીય હિન્દુ પરિષદના નવસારી જિલ્લા અધ્યક્ષ રાકેશ શર્મા, દક્ષિણ ગુજરાત AHP પ્રાંત અધ્યક્ષ કિશોરભાઈ કબાટવાળા, નવસારી શહેર AHP અધ્યક્ષ લોકેશ સોની, નવસારી શહેર AHP મંત્રી ચેતન પટેલ, નવસારી શહેર RBD અધ્યક્ષ રોહિત લોદરીયા, નવસારી શહેર RBD મંત્રી દીપક શર્મા, નવસારી શહેર RBD ઉપાધ્યક્ષ ભાવેશ ઠક્કર, નવસારી તાલુકા AHP મંત્રી પ્રફુલભાઈ બારૈયા અને કલ્પેશ પ્રજાપતિ ઉપસ્થિત કાર્યક્રમને સંપન કર્યો હતો. આ ઉપરાંત હનુમાનજી મંદિરના રાજુભાઈ ભરવાડ અને કાનાભાઈ ભરવાડે પણ કાર્યક્રમમાં સહભાગી બની આયોજનમાં જોડાણ આપ્યું હતું.
ભગવાન હનુમાનજી શક્તિ, ભક્તિ, સેવા, સમર્પણ અને અડગ શ્રદ્ધાના પ્રતીક છે. વિજયાદશમીના પવિત્ર દિવસે તેમની આરાધના સાથે શસ્ત્ર પૂજન કરવાનું ધાર્મિક અને સાંસ્કૃતિક મહત્ત્વ રહેલું છે. આવા ધાર્મિક આયોજનો દ્વારા ભારતીય સંસ્કૃતિની પરંપરાઓનું જતન થવાની સાથે નવી પેઢીને ધાર્મિક મૂલ્યો, સંસ્કારો અને કર્તવ્યનિષ્ઠાની પ્રેરણા મળે છે.
આમ, નવસારીના કાલિયાવાડી હનુમાનજી મંદિરે વિજયાદશમી પર્વ નિમિત્તે યોજાયેલા ભવ્ય શસ્ત્ર પૂજન અને હનુમાન ચાલીસાના પાઠ દ્વારા ધાર્મિક પરંપરાને શ્રદ્ધા અને ભક્તિભાવ સાથે આગળ ધપાવવામાં આવી હતી.
