અરવલ્લી જિલ્લાના ધનસુરા તાલુકાના રમોસ ખાતે શ્રમિક અન્નપૂર્ણા કેન્દ્રનું ઉદ્ઘાટન કરવામાં આવ્યું. માનનીય સાંસદશ્રી શોભનાબેન બારૈયાની પ્રેરક ઉપસ્થિતિમાં આ કેન્દ્ર ખુલ્લું મુકવામાં આવ્યું. આ પ્રસંગે બાયડમાં માનનીય જિલ્લા પ્રમુખ મયુર પટેલ ના હસ્તે તથા નગરપાલિકા મોડાસા ખાતે માનનીય ધારાસભ્ય ભીખુસિંહજી પરમારના હસ્તે પણ શ્રમિક અન્નપૂર્ણા કેન્દ્રનું ઉદ્ઘાટન કરવામાં આવ્યું.

અરવલ્લી

અહેવાલ- હિતેન્દ્ર પટેલ

અરવલ્લી જિલ્લામાં શ્રમિક અન્નપૂર્ણા કેન્દ્રોનું ઉદ્ઘાટન: માત્ર ૫ રૂપિયામાં સંપૂર્ણ ભોજન

અરવલ્લી જિલ્લાના ધનસુરા તાલુકાના રમોસ ખાતે શ્રમિક અન્નપૂર્ણા કેન્દ્રનું ઉદ્ઘાટન કરવામાં આવ્યું. માનનીય સાંસદશ્રી શોભનાબેન બારૈયાની પ્રેરક ઉપસ્થિતિમાં આ કેન્દ્ર ખુલ્લું મુકવામાં આવ્યું. આ પ્રસંગે બાયડમાં માનનીય જિલ્લા પ્રમુખ મયુર પટેલ ના હસ્તે તથા નગરપાલિકા મોડાસા ખાતે માનનીય ધારાસભ્ય ભીખુસિંહજી પરમારના હસ્તે પણ શ્રમિક અન્નપૂર્ણા કેન્દ્રનું ઉદ્ઘાટન કરવામાં આવ્યું.

ગુજરાત સરકારશ્રી દ્વારા શ્રમિકો માટે સંપૂર્ણ ભોજન મળી રહે તે માટે વિશેષ વ્યવસ્થા કરવામાં આવી છે. આ કેન્દ્રોમાં શ્રમિકોને માત્ર ૫ રૂપિયામાં પૂર્ણ અને પોષણયુક્ત ભોજન મળશે. આથી શ્રમિકોની આર્થિક બોજ ઘટશે અને તેઓ વધુ ઉત્સાહથી કાર્ય કરી શકશે. જિલ્લાના વિવિધ વિસ્તારોમાં આવા કેન્દ્રોની સ્થાપના થવાથી હજારો શ્રમિકોને સીધો લાભ મળશે.

આ પ્રસંગે સાંસદ શોભનાબેન બારૈયાએ જણાવ્યું કે, ગુજરાત સરકાર હંમેશા શ્રમિકોના કલ્યાણ માટે સમર્પિત છે. શ્રમિકો રાજ્યની આર્થિક પ્રગતિના મૂળ આધાર છે. તેમને માત્ર પાંચ રૂપિયામાં સારું અને પૂરતું ભોજન મળે તે માટે અન્નપૂર્ણા કેન્દ્રોની શરૂઆત એક મહત્વપૂર્ણ અને ક્રાંતિકારી પગલું છે. તેમણે ઉમેર્યું કે આ કેન્દ્રો માત્ર ભોજન આપવા પૂરતા નથી, પરંતુ શ્રમિકોને સન્માન અને સુરક્ષાની ભાવના પણ આપે છે. સરકારની આ યોજના દ્વારા શ્રમિકોના જીવનમાં સકારાત્મક પરિવર્તન આવશે અને તેઓ વધુ સારી રીતે પોતાના પરિવારનું પાલનપોષણ કરીશકશે

ધારાસભ્ય ભીખુસિંહજી પરમારે પણ આ ઉદ્ઘાટન પ્રસંગે હાજરી આપી અને કહ્યું કે મોડાસા અને આસપાસના વિસ્તારોના શ્રમિકો માટે આ કેન્દ્ર ખૂબ જ ઉપયોગી સાબિત થશે. માત્ર ૫ રૂપિયામાં ભોજન મળવાથી શ્રમિકોને મોટી રાહત થશે. તેમણે સરકારને આવી યોજનાઓ વધુ વિસ્તારવા માટે અનુરોધ કર્યો.બાયડમાં ઉદ્ઘાટન કરનાર માનનીય પ્રમુખએ જણાવ્યું કે શ્રમિકોના કલ્યાણ માટે સરકારના પ્રયાસો વખાણવા લાયક છે. આ કેન્દ્રો દ્વારા સ્થાનિક શ્રમિકોને રોજિંદા ભોજનની ચિંતા મુક્ત થશે અને તેઓ પોતાના કામ પર વધુ ધ્યાન કેન્દ્રિત કરી શકશ

જિલ્લા વહીવટી તંત્ર અને સંબંધિત વિભાગોએ આ કેન્દ્રોની સુવ્યવસ્થિત રીતે કામગીરી શરૂ કરવા માટે જરૂરી વ્યવસ્થા કરી છે. ભોજનની ગુણવત્તા અને સ્વચ્છતા પર વિશેષ ધ્યાન આપવામાં આવશે. આ ઉદ્ઘાટન પ્રસંગે સ્થાનિક નેતાઓ, વહીવટી અધિકારીઓ, શ્રમિક પ્રતિનિધિઓ અને મોટી સંખ્યામાં નાગરિકો હાજર રહ્યા હતા. તમામે સરકારની આ યોજનાનું સ્વાગત કર્યું અને તેને શ્રમિકોના જીવનમાં સુધારો લાવનારી મહત્વપૂર્ણ પહેલ ગણાવી.ગુજરાત સરકારની આ પહેલ દ્વારા અરવલ્લી જિલ્લાના શ્રમિકોને સીધો લાભ મળશે અને રાજ્યમાં શ્રમિક કલ્યાણની દિશામાં એક નવું પગલું સાબિત થશે. સરકાર આવી યોજનાઓને વધુ વિસ્તારીને તમામ જિલ્લાઓમાં લાગુ કરવાની દિશામાં કાર્યરત છે, જેથી દરેક શ્રમિકને માત્ર ૫ રૂપિયામાં સંપૂર્ણ ભોજનની સુવિધા મળી રહે.