વાત્સલ્યમ સમાચાર પ્રવિણભાઇ ચૌહાણ વાવ થરાદ
થરાદ શહેરની અનેક કરિયાણાની દુકાનોમાં બનાસ ડેરીના નામે ઘીનું ધૂમ વેચાણ થઈ રહ્યું હોવાની ચર્ચાએ હવે ખાદ્ય સુરક્ષાને લઈને સવાલો ઉભા કર્યા છે. ઘીનું વેચાણ કરતા વેપારીઓ પાસે જરૂરી FSSAI રજિસ્ટ્રેશન કે લાઇસન્સ છે કે નહીં? તેમજ બજારમાં વેચાઈ રહેલું ઘી ખરેખર અધિકૃત અને અસલી છે કે નહીં? તે અંગે ગ્રાહકોમાં ચર્ચા શરૂ થઈ છે.
પેકેટ પર બનાસ ડેરીનું નામ, પણ માલ ક્યાંથી આવ્યો?
ગ્રાહકો દ્વારા માંગ કરવામાં આવી રહી છે કે ફૂડ એન્ડ ડ્રગ્સ વિભાગ થરાદ શહેરની કરિયાણાની દુકાનોમાં અચાનક તપાસ કરે. દુકાનોમાં રહેલા ઘીના બેચ નંબર, FSSAI નંબર, MRP, ઉત્પાદન તથા બેસ્ટ-બિફોર તારીખ, ખરીદીના બિલ અને સપ્લાય ચેઇનની તપાસ કરવામાં આવે તો હકીકત બહાર આવી શકે તેમ છે.
“અસલી કે નકલી?” સેમ્પલ ટેસ્ટ કરાવો
માત્ર પેકેટ જોઈને ઘી અસલી કે નકલી હોવાનું નક્કી કરી શકાય નહીં. તેથી ગ્રાહકોની માંગ છે કે શંકાસ્પદ જણાતા ઘીના સત્તાવાર સેમ્પલ લેવામાં આવે અને માન્ય લેબોરેટરીમાં પરીક્ષણ કરાવવામાં આવે. તપાસના રિપોર્ટ બાદ જ ઘીની ગુણવત્તા અંગે સાચી સ્થિતિ સ્પષ્ટ થઈ શકે.
