તારીખ ૨૬/૧૦/૨૦૨૬
સાજીદ વાઘેલા કાલોલ
KMCA કોમર્સ કોલેજ, વડોદરા ખાતે વિદ્યાર્થિનીઓમાં સ્વચ્છતા, માસિક ધર્મ દરમિયાન રાખવાની સ્વચ્છતા તથા વ્યક્તિગત આરોગ્ય અંગે જાગૃતિ લાવવાના ઉમદા હેતુથી ‘ગર્લ્સ સેનિટેશન અવેરનેસ પ્રોગ્રામ’નું સફળ આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ વિદ્યાર્થિનીઓને સ્વચ્છતાનું મહત્ત્વ સમજાવવું, આરોગ્ય પ્રત્યે જાગૃત બનાવવી તથા સ્વચ્છતા સંબંધિત બાબતો અંગે યોગ્ય માહિતી પૂરી પાડવાનો હતો.આ કાર્યક્રમમાં મુખ્ય અતિથિ તરીકે શ્રીમતી શિલ્પા રાવ ઉપસ્થિત રહ્યાં હતાં. તેમણે વિદ્યાર્થિનીઓને સ્વચ્છતા અને આરોગ્યનું જીવનમાં રહેલું મહત્ત્વ સમજાવ્યું હતું તથા વ્યક્તિગત સ્વચ્છતા જાળવવા અને સ્વાસ્થ્ય પ્રત્યે જાગૃત રહેવા અંગે પ્રેરણાદાયી માર્ગદર્શન આપ્યું હતું. કાર્યક્રમ દ્વારા વિદ્યાર્થિનીઓમાં સ્વચ્છતા અંગેની જાગૃતિ વધે અને તેઓ પોતાના આરોગ્ય પ્રત્યે વધુ જવાબદાર બને તેવો સુંદર સંદેશ આપવામાં આવ્યો હતો.આ પ્રસંગે કોલેજના ડિરેક્ટર ડો. અજય સોની, સૌર્ય પ્રતાપસિંહ તથા ઇન્ચાર્જ પ્રિન્સિપાલ ડો. દિલીપ વાઘડિયા ઉપસ્થિત રહ્યાં હતાં. કોલેજ પરિવાર દ્વારા મુખ્ય અતિથિનું સ્વાગત કરવામાં આવ્યું હતું. કાર્યક્રમ દરમિયાન વિદ્યાર્થિનીઓએ ઉત્સાહપૂર્વક ભાગ લીધો હતો અને સ્વચ્છતા તથા આરોગ્ય અંગે ઉપયોગી માહિતી મેળવી હતી.આ સમગ્ર કાર્યક્રમ દ્વારા વિદ્યાર્થિનીઓમાં સ્વચ્છતા અંગે જાગૃતિ ફેલાવવાનો તથા સ્વસ્થ અને સશક્ત સમાજના નિર્માણમાં યોગદાન આપવાનો પ્રશંસનીય પ્રયાસ કરવામાં આવ્યો હતો. KMCA કોમર્સ કોલેજ, વડોદરા દ્વારા વિદ્યાર્થિનીઓના આરોગ્ય, સ્વચ્છતા અને સર્વાંગી વિકાસને પ્રોત્સાહન આપતી આવી પ્રવૃત્તિઓનું આયોજન ભવિષ્યમાં પણ કરવામાં આવશે.
