🚨 બિગ બ્રેકિંગ ન્યૂઝ: કચ્છ અને ગુજરાતના યુવાનોનો પ્રચંડ વિજય!

વાત્સલ્યમ્ સમાચાર,

પૂજા ઠક્કર – મુંદરા કચ્છ.

🚨 બિગ બ્રેકિંગ ન્યૂઝ: કચ્છ અને ગુજરાતના યુવાનોનો પ્રચંડ વિજય!

૦૦૦

જાગૃત નાગરિકો અને સોશિયલ મીડિયાના આક્રોશ સામે શિક્ષણ વિભાગ ઝૂક્યું: માત્ર ૨૪ કલાકમાં જ પ્રાથમિક ‘જ્ઞાન સહાયક’ ભરતી પ્રક્રિયા સત્તાવાર રીતે મોકૂફ!

૦૦૦

હવે વાલીઓ અને ઉમેદવારોની એક જ મક્કમ માંગ – હંગામી નાટક બંધ કરી દિવાળી વેકેશન પહેલાં જ ‘કાયમી વિદ્યાસહાયકો’ ને ઓર્ડર આપો!

મુંદરા, તા.૨૨ ઓક્ટોબર ૨૦૨૬:

કચ્છ સહિત સમગ્ર ગુજરાતના પ્રાથમિક શિક્ષણના હિતમાં અને બેરોજગાર ઉમેદવારોના હક માટે લડાતી ડિજિટલ લડાઈનો એક બહુ જ મોટો અને ઐતિહાસિક વિજય થયો છે. માત્ર ૨૪ કલાક અગાઉ ‘વાત્સલ્યમ સમાચાર’ દ્વારા પ્રસારિત થયેલા અહેવાલ અને Aapdu કચ્છ જેવા સોશિયલ મીડિયામાં વાયરલ થયેલી તીખી રજૂઆતોના પ્રચંડ પડઘા છેક ગાંધીનગર સચિવાલય સુધી પડ્યા છે. જેના પરિણામે પ્રાથમિક શિક્ષણ વિભાગે મોડી રાત્રે સત્તાવાર વેબસાઈટ (pregyansahayak.ssgujarat.org.) પર એક મહત્વપૂર્ણ જાહેરાત કરીને “જ્ઞાન સહાયક પ્રાથમિક (ગુજરાતી માધ્યમ) માટેની મેરિટ યાદી અને ડોક્યુમેન્ટ વેરિફિકેશનની પ્રક્રિયા હાલ પૂરતી મોકૂફ” રાખવાની સત્તાવાર ફરજ પડી છે. શનિવારે જાહેર થનારી મેરિટ યાદી અને સોમવારની શાળા પસંદગીની કામગીરી પર હાલ તુરંત બ્રેક વાગી ગઈ છે.

સત્ય હકીકત સામે આવતા જ વહીવટી તંત્રે ભૂલ સુધારી !

જાગૃત નાગરિકોએ સત્તાવાર આંકડાઓ સાથે જે પ્રશ્નો ઉઠાવ્યા હતા કે માત્ર ૧૦ દિવસના કરાર આધારિત વ્યવસ્થા માટે આટલી બધી રોકેટ ગતિએ ઉતાવળ કેમ? અને બદલી પામેલા જૂના શિક્ષકોને છૂટા કરવા કાયમી લાયક ઉમેદવારોને હાથો બનાવી છેલ્લી ઘડીએ મોટા કૌભાંડનો જે કારસો રચાયો હતો તેની પોલ ખુલ્લી પડી જતાં શિક્ષણ વિભાગ ભારે દબાણમાં આવી ગયું છે. વહીવટી તંત્રને અંદાજ આવી ગયો છે કે જો આ પ્રક્રિયા આગળ વધશે તો મામલો સીધો વડાપ્રધાન કચેરી (PMO) અને હાઈકોર્ટમાં કાનૂની લડત સુધી પહોંચે તો સરકારની છબી ખરડાઈ શકવાની શક્યતા હતી ત્યારે 

ઉમેદવારો એક જ છે તો જ્ઞાન સહાયકનો તાયફો શા માટે? એવા સવાલો પણ લોકો કરી રહ્યા છે.

આ પ્રથમ પગથિયાની સફળતા બાદ હવે લડાઈ આરપારના મૂડમાં આવી ગઈ છે. ટેટ ૧ પરીક્ષા પાસ કરનારા લાયક ઉમેદવારો મર્યાદિત છે અને આ જ ઉમેદવારો કાયમી વિદ્યાસહાયક અને હંગામી જ્ઞાન સહાયક બંનેમાં અરજી કરીને બેઠા છે. ત્રીજા રાઉન્ડના અંતે વિદ્યાસહાયક પોર્ટલ પર ૩,૦૪૬ કાયમી જગ્યાઓ સત્તાવાર ખાલી રહી છે. જ્યારે 8000 જેટલા લાયક ઉમેદવારો તૈયાર જ છે ત્યારે જ્ઞાન સહાયક જેવા કરાર આધારિત હંગામી મલમ લગાડવાની શું જરૂર છે?

દિવાળી વેકેશન પહેલાં જ વિદ્યા સહાયકના ‘કાયમી ઓર્ડર’ આપવાની પ્રબળ માંગ!

કચ્છના વાલી મંડળો, કેળવણીકારો અને ઉમેદવારો હવે મુખ્યમંત્રી ભૂપેન્દ્રભાઈ પટેલ, ગૃહ મંત્રી હર્ષ સંઘવી અને શિક્ષણમંત્રી ડૉ. પ્રદ્યુમનસિંહ વાજા પાસે એક જ મક્કમ માંગ કરી રહ્યા છે કે આ મોકૂફી માત્ર ટૂંકા ગાળાનો વિરામ ન હોવો જોઈએ પરંતુ શિક્ષણ વિભાગે હવે વાસ્તવિક અને કાયમી હિતનો વિચાર કરીને દિવાળી વેકેશન શરૂ થાય તે પહેલાં જ તમામ લાયક વિદ્યાસહાયકોને તાત્કાલિક કાયમી નિમણૂક પત્રો આપી દેવા જોઈએ.

જો લાયક ઉમેદવારોને વેકેશન પહેલાં જ ઓર્ડર મળી જશે તો:

૧. શાળાઓ ખુલતાની સાથે જ બાળકોને હંગામી નહિ પણ કાયમી અને લાયક શિક્ષકો મળશે.

૨. વર્ષોથી દુર્ગમ વિસ્તારોમાં ફરજ બજાવતા અને પોતાના માદરે વતન જવા ઈચ્છતા બદલી પામેલા જૂના શિક્ષકોની વર્ષો જૂની માંગણી પણ વેકેશન દરમ્યાન સંતોષાશે અને તેઓ પણ દિવાળી બાદ પોતાના વતનમાં સહર્ષ હાજર થઈ શકશે.

જો સરકાર વેકેશન પહેલાં કાયમી ભરતી પૂરી નહીં કરે તો આ વિજયથી ઉત્સાહિત થયેલા હજારો યુવાનો અને વાલીઓ દસ્તાવેજી પુરાવા સાથે સીધા વડાપ્રધાન નરેન્દ્રભાઈ મોદી (PMO) સુધી પહોંચીને આખી શિક્ષણ વ્યવસ્થાના શુદ્ધિકરણ માટેની લડત વધુ ઉગ્ર બનાવશે એવી ચર્ચા પણ ચાલી રહી છે.

શિક્ષણનું હિત અને ‘કોર્ટ ઓફ કન્ટેમ્પ્ટ’ માંથી બચવાનો એક માત્ર ઉપાય : ટેટ 1 પરીક્ષાનું જાહેરનામું 

આ સમગ્ર ગૂંચવણનો કાયમી અને ન્યાયપૂર્ણ ઉકેલ લાવવા માટે જાગૃત નાગરિકો અને શિક્ષણવિદોએ શિક્ષણ વિભાગ સમક્ષ એક વ્યવહારુ રસ્તો સૂચવ્યો છે. સૌપ્રથમ, મેરિટમાં આવેલા ૮,૦૦૦ જેટલા વિદ્યાસહાયકોને દિવાળી વેકેશન પહેલાં જ કાયમી નિમણૂક આપી દેવા જોઈએ. ત્યારબાદ જૂના શિક્ષકોની બદલી પ્રક્રિયા વેકેશનમાં પૂર્ણ થયા પછી જે વાસ્તવિક જગ્યાઓ ખાલી રહે ત્યાં ભરતીમાં બાકી રહી ગયેલા ૩,૦૦૦ જેટલા ટેટ 1 પાસ અને ઉચ્ચ પ્રાથમિક (ટેટ 2) ના પાસ ઉમેદવારોને વેકેશન બાદ (કેમકે કરાર આધારિત જ્ઞાન સહાયકોને વેકેશન દરમિયાન પગાર મળતો નથી) તરત જ ધોરણ ૧ થી ૫ માં જ્ઞાન સહાયક તરીકે સેવાની તક આપવી જોઈએ, જે અંગે અગાઉથી જ પરિપત્ર થયેલ છે.

આ ઉપરાંત તાજેતરમાં લેવાયેલી માધ્યમિક અને ઉચ્ચ માધ્યમિક (TAT-S અને TAT-HS) ની મુખ્ય પરીક્ષાના પરિણામો પણ તાત્કાલિક જાહેર કરી દેવા જોઈએ જેથી લાયક શિક્ષકો ઉપરના ધોરણોમાં સ્થાનાંતરિત થશે અને પ્રાથમિક શાળાઓની ખાલી જગ્યાનું ચિત્ર એકદમ સ્પષ્ટ થઈ જશે. ઉચ્ચ પ્રાથમિક (ધોરણ 6 થી 8) માં ખાલી જગ્યા સામે ગત વર્ષે પાસ થયેલ ટેટ 2 પાસ ઉમેદવારોની સંખ્યા વધારે હોતા નજીકના સમયમાં ટેટ 2 પરીક્ષા પણ લેવાની જરૂર નથી. તેથી હવે જ્યારે રાજ્ય પરીક્ષા બોર્ડ પાસે અન્ય કોઈ મોટી કામગીરી બાકી નથી રહેતી ત્યારે સુપ્રીમ કોર્ટના દર વર્ષે બે વખત પરીક્ષા યોજવાના કડક આદેશનું પાલન કરવા માટે બોર્ડે તાત્કાલિક નવી ટેટ 1 પરીક્ષાનું જાહેરનામું બહાર પાડી દેવું જોઈએ. જો આમાં ઢીલ કરવામાં આવશે તો રાજ્ય સરકાર અને શિક્ષણ વિભાગે સુપ્રીમ કોર્ટની નારાજગી અને અદાલતી તિરસ્કાર (‘કોર્ટ ઓફ કન્ટેમ્પ્ટ’) ની ગંભીર કાર્યવાહીનો સામનો કરવો પડી શકે એમ છે. હવે એ જોવાનું રહ્યું કે ગુજરાત રાજ્યનું શિક્ષણ વિભાગ આ અંગે ગંભીતાપૂર્વક યોગ્ય નિર્ણય લે છે કે નહીં?

વાત્સલ્યમ્ સમાચારમાં મુંદરા-કચ્છના સમાચાર/જાહેરાત આપવા માટે સંપર્ક કરો : 

-પુજા ઠક્કર, 

9426244508, 

ptindia112@gmail.com