સમીર પટેલ, ભરૂચ
અંકલેશ્વર નજીક નેશનલ હાઈવે નંબર 48 પરથી સ્ટેટ મોનીટરીંગ સેલ (SMC) ની ટીમે કન્ટેનરમાં AC બોક્સની આડમાં લઈ જવાતો વિદેશી દારૂનો મોટો જથ્થો પકડ્યો.
SMC ટીમને બાતમી મળતા અંકલેશ્વરના અંસાર માર્કેટ નજીક હાઈવે પર વોચ ગોઠવી. શંકાસ્પદ કન્ટેનર આવતા જ ચાલક વાહન રોડ પર મૂકી અંધારાનો લાભ લઈ ફરાર થઈ ગયો.
પોલીસે કન્ટેનર તપાસતા આગળ-પાછળ નવા AC બોક્સ ગોઠવી તેની પાછળ દારૂની પેટીઓ છુપાવેલી મળી. પોલીસે 11,111 દારૂની બોટલો (₹45.49 લાખ), 111 AC યુનિટ (₹55.50 લાખ) અને 1 કન્ટેનર (₹25 લાખ) સહિત કુલ ₹1.25 કરોડથી વધુનો મુદ્દામાલ જપ્ત કર્યો.
અંકલેશ્વર બી ડિવિઝન પોલીસે ગુનો નોંધી ફરાર ચાલક અને મુખ્ય સૂત્રધારોને પકડવા તપાસ શરૂ કરી છે.
