કિરીટ પટેલ બાયડ
સાઠંબા ગ્રામ પંચાયતમાં રાજકીય ઉથલપાથલ: સરપંચ ધ્રુવ પંચાલ સામે અવિશ્વાસની દરખાસ્ત મંજૂર, બરતરફ કરાયાસાઠંબા ગ્રામ પંચાયતના સરપંચ ધ્રુવ પંચાલ બરતરફ.મતદાન: ૨/૩ કરતાં વધુ બહુમતી એટલે કે ૧૧ સભ્યોએ અવિશ્વાસના પ્રસ્તાવની તરફેણમાં મતદાન કર્યુંપંચાયતનો ચાર્જ ઉપસરપંચ શ્રીમતી ગજેન્દ્રકુમારીને સોંપવામાં આવ્યો.:
બાયડ તાલુકાના ચર્ચાસ્પદ બનેલા સાઠંબા ગ્રામ પંચાયતમાં સત્તાના સમીકરણો બદલાયા છે. ચૂંટણીના થોડા જ સમયમાં સરપંચ ધ્રુવ પંચાલ સામે ગ્રામ પંચાયતના ચૂંટાયેલા સભ્યોમાં વ્યાપક નારાજગી જોવા મળી હતી, જે સમય જતાં વધુ પ્રબળ બની અને આખરે અવિશ્વાસની દરખાસ્તમાં પરિણમી હતી.
સભ્યોમાં પ્રવર્તતા અસંતોષ અને વિરોધના સુર એટલા તેજ બન્યા કે, ચૂંટાયેલા પ્રતિનિધિઓએ લોકશાહીઢબે સરપંચ વિરુદ્ધ અવિશ્વાસની દરખાસ્ત લાવવાનો મક્કમ નિર્ણય લીધો. આ સમગ્ર પ્રક્રિયા અંતર્ગત તાલુકા વિકાસ અધિકારી (TDO) ની ઉપસ્થિતિમાં વિશેષ બેઠકનું આયોજન કરવામાં આવ્યું હતું.
આ બેઠક દરમિયાન યોજાયેલા મતદાનમાં સાઠંબા ગ્રામ પંચાયતના ૧૧ સભ્યોએ ધ્રુવ પંચાલ વિરુદ્ધ અને અવિશ્વાસના પ્રસ્તાવની તરફેણમાં મતદાન કર્યું હતું. કાયદાકીય જોગવાઈ મુજબ જરૂરી ૨/૩ બહુમતી કરતા પણ વધારે સભ્યોએ તરફેણમાં મત આપતા આ દરખાસ્ત બહુમતીથી પસાર થઈ હતી. પરિણામે, સરપંચ ધ્રુવ પંચાલને સત્તા પરથી બરતરફ કરવામાં આવ્યા છે.
ગ્રામ પંચાયતનો વહીવટ અટકે નહીં તે માટે તાત્કાલિક ધોરણે ગ્રામ પંચાયતનો ચાર્જ ઉપસરપંચ શ્રીમતી ગજેન્દ્રકુમારીને સુપરત કરવામાં આવ્યો છે, જેથી પંચાયતના વિકાસકીય કાર્યો સુચારૂ રૂપે આગળ વધી શકે.
સ્થાનિક સ્વરાજ્યની સંસ્થાઓમાં સત્તા અને લોકપ્રતિનિધિઓ વચ્ચે સંકલનનો અભાવ કેવી રીતે મોટા રાજકીય પરિવર્તનો સર્જી શકે છે, તેનું સાઠંબા ગ્રામ પંચાયતનું આ તાજેતરનું ઉદાહરણ ઉત્તમ પુરાવો પૂરું પાડે છ
