MORBI:મોરબી માર્કેટિંગ યાર્ડ ચૂંટણી: વેપારી વિભાગની ૪ બેઠકોનું પરિણામ જાહેર, બંને પેનલ વચ્ચે સરભર ટક્કર
મોરબી ખેતીવાડી ઉત્પન્ન બજાર સમિતિ (APMC) ની સામાન્ય ચૂંટણી અંતર્ગત ખેડૂત વિભાગની ૧૦ અને વેપારી વિભાગની ૪ બેઠકો માટે બુધવારે યોજાયેલા મતદાન બાદ આજે મતગણતરી હાથ ધરવામાં આવી હતી. જેમાં સૌપ્રથમ વેપારી વિભાગની તમામ ૪ બેઠકોના પરિણામો જાહેર કરવામાં આવ્યા છે.
આ પરિણામોમાં બંને મુખ્ય પેનલો વચ્ચે રસાકસીભરી ટક્કર જોવા મળી છે, જેમાં કોંગ્રેસ પ્રેરિત ‘ખેડૂત પરિવર્તન પેનલ’ અને શાસક પક્ષ પ્રેરિત ‘સહકાર પેનલ’ને ફાળે ૨-૨ બેઠકો આવી છે.
વેપારી વિભાગના વિજેતા ઉમેદવારો:ખેડૂત પરિવર્તન પેનલ (કોંગ્રેસ પ્રેરિત):બાવરવા ઘનશ્યામભાઈ જયંતીભાઈ – ભાડજા બાબુલાલ રૂગનાથભાઈ સહકાર પેનલ:કાવર સુરેશભાઈ જીવરાજભાઈ – બરાસરા રાજેશભાઈ દામજીભાઈ
ગત ટર્મની સરખામણીએ વેપારી વિભાગમાં કોંગ્રેસ પ્રેરિત પેનલને એક બેઠકનું નુકસાન વેઠવું પડ્યું છે. અગાઉની ટર્મમાં કોંગ્રેસ પ્રેરિત પેનલે ૪માંથી ૩ બેઠકો પર વિજય મેળવ્યો હતો, જ્યારે આ વખતે માત્ર બે બેઠકોથી સંતોષ માનવો પડ્યો છે. બીજી તરફ, સહકાર પેનલે પોતાની સ્થિતિ મજબૂત કરતાં બે બેઠકો પર કબજો જમાવ્યો છે.
