કાલોલ:શિક્ષણ ક્ષેત્રે ઉત્કૃષ્ટ કામગીરી બજાવનાર ટીંબાગામના આચાર્ય સતીશભાઈ પ્રજાપતિને આણંદ ખાતે એવોર્ડ એનાયત.

તારીખ ૦૬/૧૦/૨૦૨૬

સાજીદ વાઘેલા કાલોલ 

શિક્ષણ અને સમાજ સેવા ક્ષેત્રે કાર્યરત સંસ્થા બાલરક્ષક પ્રતિષ્ઠાન દ્વારા આજે, તારીખ ૦૪ ઓક્ટોબર ૨૦૨૬, રવિવાર ના રોજ સવારે ૯:૦૦ કલાકે ભાનુભાઈ આઈ. પટેલ એલિકોન હોલ, આણંદ ખાતે “નેશનલ એજ્યુકેશન ગ્લોરી એવોર્ડ” સમારોહનું ભવ્ય આયોજન કરવામાં આવ્યું હતું.

આ સમારોહમાં શિક્ષણ ક્ષેત્રે ઉત્કૃષ્ટ પ્રદાન આપનાર શ્રેષ્ઠ શિક્ષકોને સન્માનિત કરવામાં આવ્યા હતા. કાર્યક્રમમાં ઉપસ્થિત મહાનુભાવો દ્વારા દીપ પ્રાગટ્ય કરીને સમારોહનો શુભારંભ કરવામાં આવ્યો હતો.

મુખ્ય અતિથિઓ તરીકે કાર્યક્રમમાં શિક્ષણ અને સાહિત્ય ક્ષેત્રના મહાનુભાવો પ્રો. (ડૉ.) ભરત મહેતા – ગુજરાતી વિભાગ, એમ. એસ. યુનિવર્સિટી, વડોદરા, શ્રીમતી ડૉ. નિશા જોશી – ડાયરેક્ટર, સ્ટુડન્ટ ડેવલપમેન્ટ ડિપાર્ટમેન્ટ, ડૉ. બાબાસાહેબ આંબેડકર ઓપન યુનિવર્સિટી, અમદાવાદ. , આદરણીય મોરારિદાસજી મહારાજ – સંતરામ મંદિર, કરમસદ, આર. કે. મંડાલીયા – નિવૃત્ત એસોસિએટ પ્રોફેસર અને હેડ, અંગ્રેજી વિભાગ, સરદાર પટેલ યુનિવર્સિટી, પ્રો. (ડૉ.) મેઘના વ્યાસ – પ્રોફેસર અને હેડ, પોસ્ટ ગ્રેજ્યુએટ ડિપાર્ટમેન્ટ ઓફ લાઈબ્રેરી એન્ડ ઈન્ફર્મેશન સાયન્સ, સરદાર પટેલ યુનિવર્સિટી, કામિનીબેન ત્રિવેદી – જિલ્લા શિક્ષણ અધિકારી (DEO), આણંદ, માનનીય, ડૉ. તેજેન્દ્રસિંહ સોલંકી – નાયબ DPEO, આણંદ, ડૉ. સંજય માલવી – કલાકાર, કવિ અને પ્રમુખ, બ્રિલિયન્ટ સ્કૂલ, ઈન્દોર હાજર રહ્યા હતા.કાર્યક્રમ દરમિયાન શિક્ષણ ક્ષેત્રે સરાહનીય અને ઉત્કૃષ્ટ કામગીરી બદલ પસંદગી પામેલા શ્રેષ્ઠ શિક્ષકોને મહેમાનોના વરદ હસ્તે એવોર્ડ, ટ્રોફી અને પ્રશસ્તિપત્ર આપીને સન્માનિત કરવામાં આવ્યા હતા.

જેમાં પંચમહાલ જિલ્લાની ગોધરા તાલુકાની ટીંબાગામ માં આચાર્ય તરીકે ફરજ બજાવતા સતીશભાઈ પ્રજાપતિ નું આણંદ ના નાયબ જિલ્લા પ્રાથમિક શિક્ષણાધિકારી ડૉ તેજેન્દ્રસિંહ સોલંકી સાહેબ ના વરદ હસ્તે કરવામાં આવ્યું હતું.

ઉપસ્થિત મહેમાનોએ પોતાના ઉદબોધનમાં શિક્ષણનું મહત્વ સમજાવતા જણાવ્યું હતું કે શિક્ષકો સમાજનું નિર્માણ કરે છે. બાલરક્ષક પ્રતિષ્ઠાન દ્વારા શિક્ષણ અને બાળ કલ્યાણ ક્ષેત્રે કરવામાં આવતી પ્રવૃત્તિઓની સૌએ સરાહના કરી હતી.

કાર્યક્રમના અંતે સંસ્થાના પદાધિકારીઓ નરેશભાઈ વાઘ , મનોજભાઈ ચિંચોરે, શ્રીમતી સ્મિતા રાણા, ધર્મેશભાઈ જોશી દ્વારા ઉપસ્થિત તમામ અતિથિઓ, શિક્ષકો અને સભ્યોનો આભાર વ્યક્ત કરવામાં આવ્યો હતો. આખા કાર્યક્રમને સફળ બનાવવા આણંદ જિલ્લાની શિક્ષક ટીમે પણ જહેમત ઉઠાવી કાર્યક્રમને સફળ બનાવ્યો હતો.