ચંદ્રવદન બી મકવાણા
પારડી તાલુકાના કોટલાવ ગામે શ્રી ગણેશ કોટલાવ યુવક મંડળ દ્વારા ગણપતિ બાપાના વિસર્જનના પવિત્ર અવસરે એક ભવ્ય મહાપ્રસાદનું આયોજન કરવામાં આવ્યું હતું. આ કાર્યક્રમમાં ગામના મોટી સંખ્યામાં ગ્રામજનો જોડાયા હતા અને ધાર્મિક ઉત્સાહ સાથે પ્રસાદ ગ્રહણ કર્યો હતો.અને
વિસર્જન યાત્રામાં ગામના સરપંચ, ઉપ સરપંચ અને અન્ય અગ્રણીઓ સહિત અનેક ગ્રામજનો ઉપસ્થિત રહ્યા હતા. સૌએ સાથે મળીને ગણપતિ બાપાની જયઘોષ સાથે વિસર્જન કર્યું હતું અને ત્યારબાદ મહાપ્રસાદનો લાભ લીધો હતો.
આ મહાપ્રસાદના આયોજનથી ગામમાં એકતા અને ભાઈચારાની ભાવના વધુ પ્રબળ બની હતી. ગ્રામજનોએ આ ધાર્મિક પ્રસંગને ખૂબ જ ઉત્સાહ અને આનંદ સાથે ઉજવ્યો હતો.
