રીપોર્ટ આસીફ લુણાવાડા
*ઝયડી પ્રા. શાળામાં 3 વર્ષની સેવા બાદ જાવીદભાઈ શેખ નું લુણાવાડા બ્રાન્ચ શાળા નં-4 માં આગમન, ભવ્ય સ્વાગત*
*લુણાવાડા :* ઝયડી પ્રાથમિક શાળામાં છેલ્લા 3 વર્ષથી નિષ્ઠાપૂર્વક ફરજ બજાવતા શિક્ષક *જાવીદભાઈ શેખ* ની આજરોજ લુણાવાડા પ્રોપરમાં રહેઠાણથી માત્ર 1 કિ.મી. દૂર આવેલ બ્રાન્ચ શાળા નં-4 માં બદલી થતાં તેઓએ ફરજ પર હાજર થઈ ગયા છે.
બ્રાન્ચ શાળા નં-4 માં હાજર થતાં જ શાળા પરિવાર દ્વારા તેમનું ઉષ્માભર્યું સ્વાગત કરવામાં આવ્યું હતું. CRC કો-ઓર્ડિનેટર સાહેબ શાળાના આચાર્ય, સમગ્ર સ્ટાફ પરિવાર અને શાળાના વિદ્યાર્થીઓ દ્વારા ફૂલહાર અને તાળીઓના ગડગડાટ સાથે આવકારદાયક સ્વાગત કરવામાં આવ્યું હતું.
ઝયડી શાળામાં તેમના 3 વર્ષના કાર્યકાળ દરમિયાન વિદ્યાર્થીઓના શિક્ષણ, સંસ્કાર અને શાળાના વિકાસમાં તેમનું યોગદાન હંમેશા યાદ રહેશે. બાળકો સાથેનો તેમનો પ્રેમ, વાલીઓ સાથેનો સારો વ્યવહાર અને સહકર્મીઓ સાથેનું મધુર વર્તન એ તેમની આગવી ઓળખ રહી છે.
બ્રાન્ચ શાળા નં-4 ના સ્ટાફે જણાવ્યું હતું કે, “અનુભવી અને મહેનતુ શિક્ષક જાવીદભાઈ શેખ ના આગમનથી શાળાના શૈક્ષણિક કાર્યને વધુ વેગ મળશે અને વિદ્યાર્થીઓને તેનો સીધો લાભ થશે.”
શાળા પરિવાર બ્રાન્ચ શાળા નં-4 તરફથી શિક્ષક જાવીદભાઈ શેખ ને નવી શાળામાં ઉજ્જવળ કારકિર્દી માટે હાર્દિક શુભકામનાઓ પાઠવવામાં આવી હતી.
