હૃદયને લગતી તકલીફ માટે લાઇફ સ્ટાઇલ,હેબિટ્સ, એડિક્શન જવાબદાર છે …..

*હૃદય માટે જામનગર ચાલ્યું : ‘દિલ સે જામનગર વોક’માં નાગરિકો ઉત્સાહભેર જોડાયા*

*રણમલ લેક ખાતે વોકેથોનથી ગુંજ્યો સ્વસ્થ હૃદયનો સંદેશ : ડૉ. સુમિત ગુપ્તાએ આપી હાર્ટ કેરની ઉપયોગી સમજ*

*નિઃશુલ્ક હેલ્થ સ્ક્રીનિંગમાં બ્લડ પ્રેશર, શુગર અને BMIની તપાસ : સ્વસ્થ હૃદય માટે પાંચ મહત્વપૂર્ણ ટીપ્સ પણ આપવામાં આવી*

જામનગર( ભરત ભોગાયતા)  જામનગરમાં , એસ.ટી.ડેપો સામે વી.એમ.શાહની હોસ્પિટલમાં કાર્યરત બરોડા હાર્ટ અને શારદા.  સુપર સ્પેશિયાલિટી હોસ્પિટલ દ્વારા હૃદય તંદુરસ્ત રાખવા મહત્વની  ટીપ્સ. આપવામાં આવી  છે

વિશ્વ હૃદય દિવસ નિમિત્તે હૃદયના સ્વાસ્થ્ય અંગે જનજાગૃતિ ફેલાવવા અને નાગરિકોને સ્વસ્થ જીવનશૈલી અપનાવવા પ્રેરિત કરવાના હેતુથી જામનગરમાં **‘દિલ સે જામનગર વોક’**નું આયોજન કરવામાં આવ્યું હતું.બરોડા હાર્ટ એન્ડ શારદા સુપરસ્પેશિયાલિટી હોસ્પિટલ, રોટરી ક્લબ ઇમેજિકા જામનગર, RMB જામનગર તથા BNI જામનગરના સંયુક્ત ઉપક્રમે રવિવારે સવારે 8 વાગ્યે રણમલ લેક ખાતે વોકેથોન યોજાઈ હતી. **‘Walk for a Healthier, Happier Tomorrow’**ના સંદેશ સાથે યોજાયેલી આ વોકમાં નાગરિકો ઉત્સાહભેર જોડાયા હતા. વોક દરમિયાન નિયમિત ચાલવું, શારીરિક રીતે સક્રિય રહેવું અને હૃદયની તંદુરસ્તી પ્રત્યે સજાગ રહેવાનો સંદેશ આપવામાં આવ્યો હતો.

વોકેથોન બાદ સવારે 10 વાગ્યાથી બરોડા હાર્ટ એન્ડ શારદા સુપરસ્પેશિયાલિટી હોસ્પિટલના વી.એમ. શાહ ઓડિટોરિયમ ખાતે નિષ્ણાત તબીબનું માર્ગદર્શન તેમજ નિઃશુલ્ક હેલ્થ સ્ક્રીનિંગ કેમ્પ યોજાયો હતો.કાર્યક્રમ દરમિયાન નિષ્ણાત ડૉ. સુમિત ગુપ્તા, કાર્ડિયોલોજિસ્ટ દ્વારા હૃદયને સ્વસ્થ રાખવા અને હૃદયરોગથી બચવા માટે ઉપયોગી માર્ગદર્શન આપવામાં આવ્યું હતું. તેમણે સ્વસ્થ જીવનશૈલીને હૃદયના સારા સ્વાસ્થ્ય માટે અત્યંત મહત્વપૂર્ણ ગણાવી પાંચ મહત્વપૂર્ણ ટીપ્સ આપી હતી.

*હેલ્થી હાર્ટ માટે 5 મહત્વપૂર્ણ ટીપ્સ*
1. તંબાકુ અને તમાકુજન્ય વ્યસનોથી દૂર રહો.
2. દારૂનું સેવન ન કરો.
3. અતિશય મોબાઇલ વપરાશ અને ‘મોબાઇલ કલ્ચર’થી દૂર રહો.
4. સ્વસ્થ આહાર અને નિયમિત વ્યાયામને જીવનશૈલીનો ભાગ બનાવો.
5. તણાવથી દૂર રહો અને પૂરતી ઊંઘ લો.

ડૉ. સુમિત ગુપ્તાએ જણાવ્યું હતું કે રોજિંદા જીવનમાં યોગ્ય આહાર, નિયમિત કસરત, પૂરતી ઊંઘ અને વ્યસનમુક્ત જીવનશૈલી અપનાવવાથી હૃદયના સ્વાસ્થ્યને જાળવવામાં મદદ મળે છે.
નિઃશુલ્ક હેલ્થ સ્ક્રીનિંગ કેમ્પ દરમિયાન હાઇટ-BMI માપન, શુગર/ગ્લુકોઝ ચેકિંગ, બ્લડ પ્રેશર માપન તેમજ આરોગ્ય પરામર્શ સહિતની સેવાઓ આપવામાં આવી હતી. સમગ્ર કાર્યક્રમ દ્વારા નાગરિકોમાં હૃદયના સ્વાસ્થ્ય પ્રત્યે જાગૃતિ વધારવાની સાથે નિયમિત વ્યાયામ અને સ્વસ્થ જીવનશૈલી અપનાવવાનો સંદેશ આપવામાં આવ્યો હતો.

__________________________

રિગાર્ડ્સ

ભરત જી.  ભોગાયતા

પત્રકાર. (ગવ. એક્રેડેટ )

BSC,llb,dny(GAU),Journalism (hindi)

8758659878

bhogayatabhara@gmail.com