MORBI:મોરબી આર્યતેજ ઇન્સ્ટિટ્યૂટ ઓફ ફાર્મસી દ્વારા વિશ્વ ફાર્માસિસ્ટ દિવસ નિમિત્તે નિઃશુલ્ક આરોગ્ય કેમ્પ યોજાયો
ભરતનગર:વિશ્વ ફાર્માસિસ્ટ દિવસની વિશેષ ઉજવણીના ભાગરૂપે શ્રી આર્યતેજ ઇન્સ્ટિટ્યૂટ ઓફ ફાર્મસી દ્વારા પ્રાથમિક આરોગ્ય કેન્દ્ર (PHC) ભરતનગર ખાતે એક ભવ્ય નિઃશુલ્ક આરોગ્ય તપાસણી કેમ્પનું આયોજન કરવામાં આવ્યું હતું.
મુખ્ય સેવાઓ અને જાગૃતિ અભિયાન:આરોગ્ય તપાસ: કેમ્પ દરમિયાન સ્થાનિક ગ્રામજનો અને નાગરિકો માટે ડાયાબિટીસ, બ્લડ પ્રેશર તેમજ હિમોગ્લોબિનની વિનામૂલ્યે ચકાસણી કરવામાં આવી હતી.
આરોગ્ય માર્ગદર્શન: ફાર્મસીના વિદ્યાર્થીઓ દ્વારા લોકોને નિયમિત હેલ્થ ચેકઅપ અને સ્વાસ્થ્યની કાળજી રાખવા અંગે વિસ્તૃત માહિતી આપવામાં આવી હતી.
એન્ટીમાઇક્રોબિયલ રેઝિસ્ટન્સ (AMR) અંગે જાગૃતિ: લોકોમાં એન્ટિબાયોટિક દવાઓના આડેધડ અને બિનજરૂરી વપરાશને રોકવા તેમજ હંમેશા તબીબી સલાહ મુજબ જ દવા લેવા અંગે ખાસ માર્ગદર્શન અને સમજણ આપવામાં આવી હતી.
સહયોગ અને સંચાલન:આ સમગ્ર કેમ્પનું સફળ આયોજન અને સંચાલન ઇન્સ્ટિટ્યૂટના હેડ મહર્ષિ પંડ્યાની દેખરેખ હેઠળ સંપન્ન થયું હતું. કેમ્પને સફળ બનાવવામાં ઇન્સ્ટિટ્યૂટના અધ્યાપકો જલ્પા મેડમ, ડેનિશા મેડમ, અરુણ સર, વિજય સર અને શ્વેતા મેડમ તેમજ PHC ભરતનગરના સમગ્ર સ્ટાફે પ્રશંસનીય સહયોગ આપ્યો હતો.
આ સેવાકીય પ્રવૃત્તિ બદલ શ્રી આર્યતેજ ગ્રૂપ ઑફ કોલેજીસના મેનેજમેન્ટ દ્વારા ફેકલ્ટી સભ્યો અને વિદ્યાર્થીઓના પ્રયાસોને બિરદાવી ભવિષ્યમાં પણ આવા લોકઉપયોગી કેમ્પો યોજાતા રહે તેવી શુભેચ્છાઓ પાઠવવામાં આવી હતી.
