MORBI:મોરબી ના મચ્છીપીઠ પાસેથી ચોરાઉ બાઈક સાથે ઇસમ ઝડપાયો

મોરબી એ ડીવીઝન પોલીસ ટીમ પેટ્રોલિંગમાં હોય દરમિયાન મચ્છીપીઠ પાસેથી ચોરાઉ બાઈક સાથે પોલીસે એક ઈસમને ઝડપી લીધો હતો અને બાઈકના કાગળો માગતા કાગળો ના હોવાનું જણાવતા પોકેટ કોપથી સર્ચ કરતા બાઈક એ ડીવીઝન પોલીસ મથકની હદમાંથી ચોરી થયાનું ખુલ્યું હતું જેથી પોલીસે ચોરાઉ બાઈક કીમત રૂ ૨૫ હજાર સાથે આરોપી પ્રકાશ ચંદુભાઈ નગવાડિયા (ઉ.વ.૩૩) રહે ચીખલી તા. માળિયા વાળાને ઝડપી લીધો છે

આરોપી પ્રકાશ નગવાડિયા રીઢો ગુનેગાર હોવાનું પોલીસ પાસેથી જાણવા મળ્યું છે પ્રકાશ નગવાડિયા વિરુદ્ધ એ ડીવીઝન પોલીસ મથકમાં બે ચોરીના ગુના ઉપરાંત મારામારી, જુગારધારા અને પ્રોહીબીશન એક્ટ સહિતના ૫ ગુના નોંધાઈ ચુક્યા છે