અરવલ્લી
અહેવાલ :હિતેન્દ્ર પટેલ
અરવલ્લીના મોડાસા બસપોર્ટ ખાતે માનનીય મંત્રીશ્રી ભીખુસિંહ પરમારના હસ્તે ૧ ડીલક્સ અને ૫ મીડી બસોનું લોકાર્પણ
અરવલ્લી જિલ્લાના મોડાસા ખાતે આજે ગુજરાત રાજ્ય માર્ગ પરિવહન નિગમ (જીએસઆરટીસી) દ્વારા આયોજિત ભવ્ય કાર્યક્રમમાં માનનીય મંત્રી ભીખુસિંહ પરમારના વરદ હસ્તે નવીન બસોનું ઉદ્ઘાટન કરવામાં આવ્યું. આ કાર્યક્રમમાં ૧ ડીલક્સ અને ૫ મીડી બસોનું લોકાર્પણ કરવામાં આવ્યું, જે જિલ્લાના લોકો માટે વધુ આરામદાયક અને કાર્યક્ષમ પરિવહન સુવિધા પૂરી પાડશે. આ નવી બસોના ઉમેરણથી મોડાસા બસપોર્ટની સેવાઓ વધુ મજબૂત બનશે. ડીલક્સ બસ ૪૦થી વધુ મુસાફરોને આરામદાયક પ્રવાસની સુવિધા આપશે, જ્યારે મીડી બસો ગ્રામીણ વિસ્તારોમાં નિયમિત અને સરળ કનેક્ટિવિટી પૂરી પાડશે. આ પહેલથી અરવલ્લી જિલ્લાના આદિવાસી અને ગ્રામીણ વિસ્તારના લોકોને મહાનગરો સુધી પહોંચવામાં સરળતા રહેશે, જે શિક્ષણ, રોજગાર અને આર્થિક વિકાસને વેગ આપશે.
