વાત્સલ્યમ સમાચાર
મદન વૈષ્ણવ ડાંગ ગુજરાત રાજ્ય શિક્ષણ વિભાગ, અને ગુજરાત શૈક્ષણિક સંશોધન અને તાલીમ પરિષદ, ગાંધીનગર અંતર્ગત દરેક જિલ્લામા જિલ્લા શિક્ષણ અને તાલીમ ભવન કાર્યરત છે.
તાજેતરમા ડાંગ જિલ્લા શિક્ષણ અને તાલીમ ભવન, વઘઈની પ્રોગ્રામ એડવાઈઝર કમિટીની બેઠક જિલ્લા કલેકટર શ્રી ધર્મેન્દ્રસિંહજી જાડેજાના અધ્યક્ષપણા હેઠળ વઘઈ ખાતે યોજાઈ હતી.બેઠકની શરૂઆતમા ડાયેટના પ્રાચાર્યશ્રી ડો.બી.એમ.રાઉતે બેઠકનુ મહત્વ દર્શાવી, મહાનુભાવોનુ શાબ્દિક સ્વાગત કર્યું હતુ. ડાયેટ દ્વારા જિલ્લાના પ્રાથમિક અને માધ્યમિક શાળાના શિક્ષકોને જિલ્લામા શિક્ષણની ગુણવત્તા વધે તે માટે વિષયવસ્તુ, મેથોડોલોજી તથા શિક્ષણના નૂતન પ્રવાહો આધારિત સેવાકાલીન તાલીમઝ તથા જુદી જુદી સહ શૈક્ષણિક પ્રવૃત્તિઓનુ આયોજન કરવામાં આવે છે. તે ઉપરાંત શાળા શિક્ષણ દરમિયાન વર્ગ ખંડમા ઉદભવતા પ્રશ્નો અંગે ક્રિયાત્મક, અને લઘુ સંશોધન અંગે પણ શિક્ષકોને માર્ગદર્શિત કરવામાં આવે છે. વર્ષ 2023-24 મા યોજાનાર શિક્ષક તાલીમને, અધ્યક્ષ સ્થાનેથી કલેકટરશ્રી અને સમિતિના સભ્યો દ્રારા સમીક્ષા કરી ઉપયોગી સૂચનો સાથે બહાલી આપવામા આવી હતી. સાથે જ ચાલુ વર્ષ દરમિયાન થયેલ તાલીમી કાર્યક્રમોની પણ સમીક્ષા કરવામા આવી હતી. ડાયેટ ખાતે વિકસાવેલ રીસોર્સ સેન્ટરની પણ કલેકટરશ્રી દ્વારા રૂબરૂ મુલાકાત લેવામા આવી હતી.
બેઠકમા નાયબ જિલ્લા વિકાસ અધિકારી શ્રી વાય.પી.જોષી, જિલ્લા શિક્ષણાધિકારી શ્રી વિજયભાઈ દેશમુખ સહિત શિક્ષણ તજજ્ઞો ઉપસ્થિત રહ્યા હતા.
–