રાજ્યમાં નવી ખાનગી માધ્યમિક શાળાઓની મંજૂરી માટેની પ્રક્રિયા પૂર્ણ કરી દેવામાં આવી છે. શિક્ષણ બોર્ડ પાસે 2023-24 શૈક્ષણિક વર્ષ માટે આવેલી 234 અરજીમાંથી 68 અરજીઓને માન્ય રાખવામાં આવી છે. જ્યારે 166 અરજીઓને નામંજૂર કરવામાં આવી છે. નવી ખાનગી માધ્યમિક સ્કૂલો માટે વિવિધ ટ્રસ્ટો દ્વારા અરજી કરવામાં આવી હતી. સૂત્રોએ જણાવ્યું હતું કે આગામી થોડા દિવસોમાં બોર્ડ બંને માધ્યમો માટે નવી ઉચ્ચતર માધ્યમિક શાળાઓ માટે મંજૂર કરાયેલ અરજીઓની જાહેરાત કરશે. બોર્ડે નવી શાળાઓને મંજૂરી આપવા માટેના નિયમોમાં ફેરફાર કર્યો છે અને નવા નિયમો હેઠળ મેનેજમેન્ટે દર્શાવવું પડશે કે તેની પાસે રમતના મેદાન માટે પૂરતી જમીન છે અને શાળાના તમામ જરૂરી ઈન્ફ્રાસ્ટ્રક્ચર છે.