હિંમતનગરના ધાણધા ખાતે “મહા સફાઇ અભિયાન” ને લીલીઝંડી આપતા ધારાસભ્યશ્રી વી.ડી ઝાલા અને કલેક્ટરશ્રી નૈમેષ દવે

****************

આ અભિયાન હેઠળ ૧૧ ઓક્ટોબર સુધી સફાઇની કામગીરી કરાશે

************
સાબરકાંઠા જિલ્લામાં સ્વચ્છતા હી સેવા અંતર્ગત હિંમતનગર શહેરને સ્વચ્છ અને સુંદર બનાવવાના ભાગરૂપે શરૂ કરાયેલા “મહા સફાઇ અભિયાન”ને ધારાસભ્યશ્રી વી.ડી ઝાલા અને જિલ્લા કલેક્ટરશ્રી નૈમેષ દવેએ ધાણધા ફાટક ખાતેથી લીલીઝંડી આપી પ્રારંભ કરાવ્યો હતો.
આ અભિયાનમાં ધારાસભ્યશ્રી વી.ડી ઝાલાએ જણાવ્યું હતું કે મહાત્મા ગાંધીજીની જન્મ જયંતીની ઉજવણીના ભાગરૂપે વડાપ્રધાનશ્રી દ્વારા “સ્વચ્છતા હી સેવા” સંકલ્પ અંતર્ગત સ્વચ્છતા પખવાડિયાની ઉજવણી થઈ રહી છે. જેના ભાગરૂપે હિંમતનગર નગરપાલિકા થકી “મહા સફાઈ અભિયાન” નો પ્રારંભ કરવામાં આવ્યો છે. આ અભિયાન થકી હિંમતનગર શહેરની ગંદકીને દૂર કરી સ્વસ્થ અને સુંદર હિંમતનગર બનશે. આ અભિયાનમાં સૌ નગરજનો જોડાઇને સફાઇમાં સહિયારી ભાગીદારી નિભાવવા જણાવ્યું હતું.
જિલ્લા કલેક્ટરશ્રી નૈમેષ દવેએ જણાવ્યું હતુ કે “સ્વચ્છતા હી સેવા” અંતર્ગત હિંમતનગર શહેરના તમામ નવ વોર્ડમાં નામાંકિત કોન્ટ્રાક્ટરના સહિયોગ થકી “મહા સફાઈ અભિયાન” હાથ ધર્યુ છે.આ અભિયાન અંતર્ગત ૧૧ ઑક્ટોમ્બર સુધી શહેરના તમામ નવ વોર્ડમાં સવારે ૮ થી ૧૨ અને બપોરે બે થી છ કલાક દરમિયાન સફાઇની કામગીરી કરવામાં આવશે.આ અભિયાનમાં સૌ શહેરજનો જોડાઇને હિંમતનગરને સ્વચ્છ બનાવવા માટે અપીલ કરી હતી.
આ અભિયાન દરમિયાન ચોમાસામાં ઊગી નીકળેલ ઘાસ, જાડી, જાખડા,ગંદકીનો ઉપદ્રવ વગેરેની સામૂહિક સફાઈ કરવામાં આવશે. સફાઇ દરમિયાન એકત્રિત થયેલા કચરામાંથી પ્લાસ્ટિકનો કચરો અલગ કરી ડમ્પિંગ સાઇડ પર નિકાલ કરવામાં આવશે. શહેરના નામાંકિત કોન્ટ્રાક્ટરોની મશીનરી અને મેનપાવર થકી શહેરમાંની ગંદકી દૂર શહેરને સ્વચ્છ બનાવવાની કામગીરી કરવામાં આવશે.
આ અભિયાનમાં નગરપાલિકા પ્રમુખશ્રી વિમલભાઇ ઉપાધ્યાય, આરોગ્ય સમિતીના ચેરમેનશ્રી રાકેશભાઇ પટેલ,નગરપાલિકા કારોબારી સમિતીના ચેરમેનશ્રી, વોર્ડ નં-૧ના તમામ સદસ્યો,સ્વચ્છતા એમ્બેસીડરશ્રી નીરંજન શર્મા,પ્રાંત અધિકારીશ્રી જયંત કિશોર, હિંમતનગર મામલતાદારશ્રી અંકિતભાઇ પટેલ,નગર પાલિકા ચીફ ઓફિસરશ્રી અલ્પેશભાઇ પટેલ,નામાંકિત કોન્ટ્રાક્ટરશ્રીઓ,સફાઇ કર્મીઓ તેમજ નગરજનો ઉપસ્થિત રહ્યા હતા.

જયંતિ પરમાર સાબરકાંઠા