તારીખ ૩/૧૦/૨૦૨૩

સાજીદ વાઘેલા કાલોલ 

કાલોલ પોલીસે ઉચ્ચ અધિકારીઓના સુચના અને માર્ગદર્શન મુજબ દારૂની બદીને ડામવા માટે અને દારૂબંધીનો કડક અમલ કરાવવા સારુ ટીમો બનાવી કાલોલ પોલીસ સ્ટેશન નો પોલીસ સ્ટાફ પેટ્રોલીંગમાં નીકળ્યા હતા ત્યારે બાતમીના આધારે કાલોલ ના પોલીસ સ્ટેશનની હદમાં આવેલા નાવરીયા ગામે રાઠવા ફળિયામાં રહેતો રાજુભાઈ રયજીભાઈ રાઠવા કોઈપણ જાતના પાસ પરમીટ વગર વિદેશી દારૂના જથ્થા સાથે ઘરેથી ઝડપી પાડયો હતો જેમાં અલગ અલગ બ્રાન્ડ નો રૂપિયા ૧૦૮૦ નો વિદેશી બનાવટ નો બિયર ના ૯ ટીન ઝડપી પાડયા અને તેઓની પુછપરછ કરતાં આ જથ્થો દોલતપૂરા ના દિલિપસિંહ ઉર્ફે દિલો સામંતસિંહ રાઠોડ આપી ગયો હોવાનુ કબુલતા પોલીસે બંને વિરુદ્ધ કાયદેસરની કાર્યવાહી હાથ ધરી હતી. આ ઉપરાંત સાંજના સમયે કાલોલ પોલીસને મળેલી બાતમીને આધારે કાલોલના દોલતપુરા ગામે રહેતો દીલીપસિંહ ઉર્ફે દિલો સામંતસિંહ રાઠોડ ના મકાનમાં રેડ કરતા વિદેશી દારૂનો મુદ્દામાલ કાચનાં બોટલ અને ટીનની બીયર અને વિદેશી દારૂની પરપ્રાંતીય બનાવટ ના કુલ નંગ બોટલ ટીન નંગ ૬૧ જેની કુલ કિંમત રૂપિયા ૭૦૫૦/ મુદ્દામાલ કબજે કર્યો હતો જેમાં દીલીપસિંહ ઉર્ફે દિલો સામંતસિંહ રાઠોડ ઘરે હાજર ના મળી આવતા ઉપરોક્ત બન્ને આરોપીઓ વિરુદ્ધમાં કાલોલ પોલીસ સ્ટેશનમાં વિવિધ કલમો હેઠળ ગુનો દાખલ કરી આગળની કાયદેસરની કાર્યવાહી હાથ ધરી છે. ઉલ્લેખનિય છે કે દોલતપુરા ના આ લિસ્ટેડ પ્રોહી બુટલેગર સામે એક જ દિવસે બે ગુના નોંધાયા છે તેની વિરૂદ્ધ આ અગાઉ પણ દારૂ ના સંખ્યાબંધ ગુના નોંધાયેલ છે.