આદર્શ સાયન્સ,આર્ટ્સ એન્ડ કોમર્સ કોલેજ, વિસનગર ખાતે હર્ષે ઉલ્લાસ સાથે નવરાત્રિ મહોત્સવ યોજાયો
2 ઓઓક્ટોબર જીતેશ જોષી પાલનપુર બનાસકાંઠા
શ્રી અખિલ આંજણા કેળવણી મંડળ સંચાલિત આદર્શ સાયન્સ,આર્ટ્સ એન્ડ કોમર્સ કોલેજ, વિસનગર ખાતે નવરાત્રિ મહોત્સવની ધામધૂમથી ઉજવણી કરવામાં આવી. જેમાં છાત્રાલય સમિતિના પ્રમુખ શ્રી આઈ.બી.ચૌધરી, કેળવણી મંડળના સહમંત્રી શ્રી રામજીભાઈ ચૌધરી તથા હોદ્દેદાર શ્રી ખુમજીભાઈ ચૌધરી , તમામ વિભાગના આચાર્યશ્રીઓ, સ્ટાફ મિત્રો અને કોલેજના વિદ્યાર્થીઓ નવરાત્રી મહોત્સવમાં ઉપસ્થિત રહ્યા હતા.આ પ્રસંગે કેળવણી મંડળના હોદ્દેદારશ્રીઓ તથા આચાર્યશ્રીઓએ અને સ્ટાફ મિત્રોએ મા અંબાની શ્રદ્ધાપૂર્વક આરતી ઉતારી વિદ્યાર્થીઓના ઉજ્જવળ ભવિષ્ય માટે આશીર્વાદ માગ્યા હતા. વિદ્યાર્થીઓએ પણ ટ્રેડિશનલ ડ્રેસમાં હર્ષ-ઉલ્લાસ સાથે ગરબે ઘૂમી માતાજીની આરાધના કરી હતી. આ સાથે લકી ડ્રોનું આયોજન કરી વિદ્યાર્થીઓને ઇનામ વિતરણ પણ કરાયું હતું. આમ કોલેજના આચાર્યશ્રીના માર્ગદર્શન નીચે તમામ સ્ટાફ મિત્રોના સહયોગથી નવરાત્રિ પર્વનું સુંદર આયોજન કરાયું હતું. છેલ્લે સૌ અલ્પાહાર લઈ છૂટા પડયા હતા.
