INDIA ગઠબંધનના નેતાઓ ચૂંટણી પંચને મળવા પહોંચ્યા હતા. કોંગ્રેસના સાંસદ કેસી વેણુગોપાલ અને ટીએમસી સાંસદ ડેરેક ઓ બ્રાયન દિલ્હીમાં ભારતના ચૂંટણી પંચ પહોંચ્યા હતા. INDIA ગઠબંધનના નેતાઓ કેન્દ્રીય એન્જસીઓની કાર્યવાહીના વિરોધમાં ચૂંટણી પંચને મળવા પહોંચ્યા હતા.

કોંગ્રેસના નેતા અભિષેક મનુ સિંઘવીએ દિલ્હીના સીએમ અરવિંદ કેજરીવાલની EDની ધરપકડ પર ચૂંટણી પંચ સાથે ઇન્ડિયા ગઠબંધન પ્રતિનિધિમંડળની બેઠક બાદ જણાવ્યું હતું કે “અમે ચૂંટણી પંચ સાથે વિગતવાર ચર્ચા કરી હતી. અમે તેમને કહ્યું કે આ એક ખૂબ જ ગંભીર મુદ્દો છે, અને માત્ર કોઈ ચોક્કસ વ્યક્તિ અથવા પક્ષ વિશે જ નહીં. આ એક વ્યાપક મુદ્દો છે કારણ કે તે બંધારણના મૂળભૂત માળખા સાથે સંબંધિત છે. મૂળભૂત માળખામાં જો કોઈ બંધારણીય સુધારો મૂળભૂત માળખાની વિરુદ્ધ હોય, તો તે સુધારો ગેરબંધારણીય જાહેર કરી શકાય છે.

પશ્ચિમ બંગાળના મુખ્ય પ્રધાને કહ્યું હતું કે ઇન્ડિયા ગઠબંધનના નેતાઓ “ઇરાદાપૂર્વકના નિશાન” અને “વિરોધી નેતાઓની ધરપકડ” સામે અને કાર્યવાહી વિરુદ્ધ ચૂંટણી પંચને મળશે.