Dhoraji: ધોરાજી તાલુકામાં નાગલખડા અને હડમતીયા ગામે “વિકસિત ભારત સંકલ્પ યાત્રા” નું ઉષ્માસભર સ્વાગત કરતાં ગ્રામજનો

તા.૯/૧/૨૦૨૪

વાત્સલ્યમ્ સમાચાર

અમુ સિંગલ જેતપુર

Rajkot, Dhoraji: કેન્દ્ર અને રાજ્ય સરકારની વિવિધ જનકલ્યાણકારી યોજનાઓનો લાભ પાત્રતા ધરાવતા નાગરિકો સુધી પહોંચાડવા માટે આયોજિત “વિકસિત ભારત સંકલ્પ યાત્રા” રાજકોટ જિલ્લાના ધોરાજી તાલુકામાં નાગલખડા અને હડમતીયા ગામે પહોંચી હતી, જ્યાં ગ્રામજનોએ ઉષ્માસભર સ્વાગત કર્યું હતું.

આ કાર્યક્રમમાં આરોગ્ય વિભાગ દ્વારા નાગરિકોનું નિ:શુલ્ક હેલ્થ ચેક અપ કરવામાં આવ્યું હતું. ડ્રોન નિર્દશન, પશુ આરોગ્ય કેમ્પ, સરકારની કલ્યાણકારી યોજનાઓની વિસ્તૃત માહિતી આપતા સ્ટોલ પ્રદર્શિત કરવામાં આવ્યા હતા. મહાનુભાવોના હસ્તે લાભાર્થીઓને સહાય વિતરણ તથા ગામની સશકત કિશોરી, તેજસ્વી વિદ્યાર્થીઓ, રમતવીર, સ્થાનિક કલા કારીગરને પ્રોત્સાહીત કરવામાં આવ્યા હતા.

જૈવિક ખેતી કરતા ખેડૂતએ પોતાના અનુભવો વર્ણવી ખેડુતોને માર્ગદર્શન આપી પ્રાકૃતિક ખેતી અપનાવવા પ્રોત્સાહીત કર્યા હતા. “મેરી કહાની, મેરી જુબાની” થીમ અન્વયે યોજનાકીય લાભ મેળવેલ લાભાર્થીઓએ સરકાર પ્રત્યે કૃતજ્ઞતા વ્યક્ત કરી હતી. વડાપ્રધાનશ્રી નરેન્દ્રભાઈ મોદીનો પ્રજાજોગ વિકસિત ભારત સંકલ્પ અન્વયેનો રેકોર્ડ કરેલો સંદેશો સાંભળી લોક કલ્યાણકારી યોજનાઓનાં લાભાર્થીઓનાં પ્રતિભાવો દર્શાવતી શોર્ટ ફિલ્મ નિહાળી હતી. ઉપસ્થિત સૌ નાગરિકોએ વિકસિત ભારત સંકલ્પ યાત્રામાં સહભાગી થવા શપથ ગ્રહણ કર્યા હતા.

આ કાર્યક્રમમાં ધોરાજી તાલુકા પંચાયત પ્રમુખશ્રી રવિભાઈ વડાલીયા, જિલ્લા પંચાયત સદસ્યશ્રી વિરલભાઈ પનારા, તાલુકા આરોગ્ય અધિકારીશ્રી ડો. પી.એમ.વાછાણી, મદદનીશ તાલુકા વિકાસ અધિકારીશ્રી આર.વી.ગોહિલ, વિસ્તરણ અધિકારીશ્રીઓ એમ.પી.સોજીત્રા, ધર્મેન્દ્રભાઈ મહેતા, અજયભાઈ સાકરિયા, હાર્દિકભાઈ જાની, જયરાજસિંહ જાડેજા, પ્રદીપભાઈ ગોહેલ, હરેશભાઈ ઘોરી, સહીત પશુપાલન વિભાગ, આરોગ્ય વિભાગ, ખેતીવાડી વિભાગ, આઈ.સી.ડી.એસ., બેંક, મહેસુલ વિભાગ સહિતનાં સંબધિત વિભાગના અધિકારીઓ, કર્મચારીઓ તથા ગ્રામજનો ઉપસ્થિત રહ્યા હતા.