MORBI મોટી વાવડી ગામના ક્ષત્રિય સમાજે ભાજપ વિરુદ્ધ મતદાન કરવા લીધો નિર્ણય

રાજકોટ લોકસભા બેઠકના ભાજપના ઉમેદવાર પરસોત્તમ રૂપાલાના નિવેદનને લઈને ક્ષત્રિય સમાજ દ્વારા ભાજપનો બહિષ્કાર કરવાનો નિર્ણય લેવાયો છે અને ભાજપની સામે જે ઉમેદવાર હોય તેને મત આપવા ઝુંબેશ ચલાવવામાં આવી રહી છે. ત્યારે ગઈકાલે 25 એપ્રિલે મોરબીના મોટી વાવડી ગામે ક્ષત્રિય સમાજની મિટીંગ મળી હતી. આ મિટીંગમાં મોટી સંખ્યામાં ક્ષત્રિય સમાજના લોકો ઉપસ્થિત રહ્યા હતા અને વડીલો અને આગેવાનો સાથે વાતચીત કરી ભાજપના વિરોધમાં મતદાન કરવાનો નિર્ણય લેવાયો હતો. ક્ષત્રિય સમાજે જણાવ્યું હતું કે, ગામના આઢારેય વરણના લોકો ક્ષત્રિય સમાજના આ નિર્ણય સાથે છે.