તા.૧/૫/૨૦૨૪

વાત્સલ્યમ્ સમાચાર

અમુ સિંગલ જેતપુર

Rajkot: રાજકોટ જિલ્લામાં તા.૭ મે, ૨૦૨૪ ના રોજ લોકસભા સામાન્ય ચૂંટણી – ૨૦૨૪માં વધુમાં વધુ મતદાન થાય તે માટે જિલ્લા ચૂંટણી અધિકારીશ્રી અને અધિક જિલ્લા ચૂંટણી અધિકારીશ્રીના માર્ગદર્શન હેઠળ અનેકવિધ મતદાન જાગૃત્તિના કાર્યક્રમો કરવામાં આવી રહ્યા છે.

જે અંતર્ગત એ.આર.ઓ.શ્રી રાજશ્રીબેન વંગવાણીના માર્ગદર્શન તળે ૬૮ પૂર્વ વિધાનસભા મત વિસ્તારમાં સમાવિષ્ટ ડી-માર્ટ ખાતે જિલ્લા ટ્રાન્સજેન્ડર આઈકોન શ્રી રાગિણી પટેલે ડી-માર્ટના સ્ટાફ સાથે સંવાદ સાધીને અચુક મતદાન કરવા માટેની અપીલ હતી. જેમાં મતદાન જાગૃતિના વિવિધ બેનરો, પોસ્ટરો અને વોટ ફોર શ્યોર, દસ મિનિટ દેશ માટે, ચુનાવ કા પર્વ દેશ કા ગર્વ જેવા વિવિધ સૂત્રો દ્વારા દેશના નાગરિકોને લોકશાહીને મજબૂત કરવા મતદાન કરવાની અપીલ કરી હતી.