તા.24/09/2023/બાવળિયા ઉમેશભાઈ સુરેન્દ્રનગર

સુરેન્દ્રનગર જિલ્લાના વઢવાણ તાલુકાના વસ્તડી ચુડાને જોડતો પુલ ધરાશાયી થયો હોવાની ચોકાવનારી હકીકત સામે આવી છે જેમાં પુલ પરથી ડમ્પર પસાર થતુ હતુ તે દરમિયાન એક ભાગ ધરાશાયી તે થયો હતો જેમાં ડમ્પર તેમજ બે બાઇક પણ નીચે પટકાયા હતા અને પુલ ધરાશાયી થતાં ડમ્પરના ચાલક સહીત ચારથી વધુ વ્યક્તિઓ ઇજાગ્રસ્ત થતા તાકીદે હોસ્પિટલ ખસેડાયા હતા આ ગોઝારી ઘટનાના પગલે લોકોના ટોળેટોળા બનાવના સ્થળે એકઠા થઇ ગયા હતા અને યુદ્ધના ધોરણે બચાવ કામગીરી હાથ ધરી હતી બે કલાકની ભારે જહેમત બાદ ડમ્પર ચાલક અને બે બાઇક સવારને રસ્સા વડે ખેંચીને બહાર કાઢવામાં આવ્યા હતા આ પુલ ધરાશાઈ થવાની ઘટનાથી સમગ્ર પંથકમાં ભારે ચકચાર મચી જવા પામી હતી અને ટ્રાફિકથી ધમધમતો પુલ અચાનક જ ધરાશાઈ થઇ જતા અફડાતફડી મચી જવા પામી હતી.