વાત્સલ્યમ સમાચાર

મદન વૈષ્ણવ ડાંગડાંગ જિલ્લાનાં ગામડાઓમાં શનિવારે મોડી સાંજે વીજળીનાં કડાકા ભડાકા સાથે વરસાદ તૂટી પડ્યો હતો.ડાંગ જિલ્લાનાં સુબિર તાલુકાનાં ગામડાઓમાં વીજળીનાં કડાકા ભડાકા અને જોરદાર પવનનાં સુસવાટામાં 1 ઈંચ જેટલો વરસાદ ખાબકતા પાણીની રેલમછેલ ફરી વળી હતી.સુબિર તાલુકાનાં ગારખડી ગામનાં પશુપાલક મોતીરામભાઈ સોનિયાભાઈ ગાયકવાડનાં બળદ પર આકાશી વીજળી પડતા સ્થળ પર બળદ મોતને ભેટ્યો હતો.હાલમાં ચોમાસાની ઋતુનો પ્રારંભ થયો છે.અને ખેતીકામમાં ઉપયોગી એવા બળદનું વીજળી પડવાનાં કારણે આકસ્મિક મોત નિપજતા પશુપાલકને મોટી આર્થિક નુકસાની વેઠવાની નોબત ઉભી થઇ છે.જેથી સુબિર તાલુકા પંચાયત પશુપાલકને યોગ્ય વળતર આપે તેવી માંગ ઉઠી છે..