તા.૨૩/૩/૨૦૨૪

વાત્સલ્યમ્ સમાચાર

અમુ સિંગલ જેતપુર

વિદ્યાર્થિનીઓએ સ્લોગન, સિગ્નેચર કેમ્પેઈન, તેમજ હાથમાં મહેંદી લગાવી નવતર પ્રયોગ કરી અભિયાનમાં ઉત્સાહભેર ભાગ લીધો

Rajkot: લોકસભા સામાન્ય ચૂંટણી ૨૦૨૪ અંતર્ગત ભારતભરમાં “મતદાન જાગૃતિ” અભિયાનનું આયોજન કરવામાં આવે છે. જે અંતર્ગત રાજકોટ શહેરની પી.બી. કોટક સ્કુલમાં ધોરણ ૯ અને ૧૦ની વિદ્યાર્થિનીમાં સ્લોગન રાઈટીંગ અને સિગ્નેચર કેમ્પેઈન સ્પર્ધા યોજવામાં આવી હતી. જેમાં મતદાન, સ્વીપ, ઈ.વી.એમ.સહિતની મતદાન અંગેની તમામ માહિતીને આવરી ખુબ જ ટૂંકમાં સ્લોગન લખ્યા હતા.

શહેરની માં શારદા વિદ્યાલયમાં વિદ્યાર્થિનીઓએ હાથમાં મતદાન લક્ષી વિવિધ વાક્યોની મહેંદી બનાવીને આકર્ષક અને નવતર પ્રયોગ કર્યો હતો. આ કાર્યક્રમમાં કોટક સ્કુલના આચાર્યશ્રી પ્રવિણાબેન કાનાણી, શિક્ષકશ્રી નિધિબેન જોબનપુત્રા અને શ્રી સારિકાબેન તથા શ્રી શારદા વિદ્યાલયના આચાર્યશ્રી અને શિક્ષકશ્રીઓ અને બહોળી સંખ્યામાં વિદ્યાર્થિનીઓ ઉપસ્થિત રહ્યા હતા.