અહેવાલ

અરવલ્લી :હિતેન્દ્ર પટેલ

અરવલ્લી : LCBએ ભિલોડા એટીએમ કાર્ડ બદલી 40 હજાર રૂપિયા ઉપાડી લેનાર ગેંગને મદદ કરનાર રાજકોટના બેને કાર સાથે દબોચ્યા

*રાજકોટના બંને યુવકો મહારાષ્ટ્રને ગેંગ માટે રેકી કરવાનું અને એટીએમ નજીક સ્વીફ્ટ કારમાં ઉતારી દેતા હતા*

*ધાંગધ્રા એટીએમ છેતરપિંડીમાં બંને આરોપીઓની સંડોવણી ભિલોડામાં એજ મોડસ ઓપરેન્ડિસથી છેતરપિંડી*

અરવલ્લી જીલ્લા SP શૈફાલી બારવાલના માર્ગદર્શન હેઠળ જીલ્લા એલસીબી પોલીસે ભિલોડા નગરમાં એક વ્યક્તિને એટીએમ મશીનમાં મદદના બદલે બે ગઠિયાઓએ એટીએમ કાર્ડ બદલી 40 હજાર રૂપિયા ઉપાડી લઇ છેતરપિંડી કરનાર મહારાષ્ટ્રની ગેંગ માટે એટીએમ મશીનની રેકી કરનાર અને એટીએમ મશીન સુધી વાહનની સગવડ કરી આપનાર રાજકોટના બે યુવક આરોપીઓને દબોચી લઇ ભિલોડા પોલીસને સુપ્રત કરવા તજવીજ હાથધરી હતી

અરવલ્લી એલસીબી ડી.બી.વાળા અને તેમની ટીમે ભિલોડા નગરમાં ખરીદી કરવા આવેલ કાંતિભાઈ ભગોરાને પૈસાની જરૂરિયાત ઉભી થતાં યુબીઆઈના એટીએમમાં પૈસા ઉપાડવા જતા બે ગઠિયાઓએ એટીએમ બદલી એચડીએફસીના એટીએમમાંથી 40 હજાર રૂપિયા ઉપાડી છેતરપિંડી કરી ફરાર થનાર બંને ગઠિયાઓને ઝડપી પડવા ટેકનિકલ સર્વલન્સ,ટેક્નોલોજી અને પોકેટકોપ મોબાઇલની મદદથી એટીએમ છેતરપિંડી કરી ફરાર ગઠિયાઓ માટે એટીએમની રેકી કરવામાં અને વાહનની સગવડ પૂરી પાડનાર 1)સહદેવસિંહ શિવુભા વાળા અને 2)ભાવેશ કમલેશ માળવી (બંને.રહે,કોઠારિયા સોલવન્ટ વિસ્તાર-રાજકોટ) ઝડપી પાડી ગુન્હાના ઉપયોગમાં લીધેલ સ્વિફ્ટ કાર અને બે મોબાઈલ સહિત રૂ.4.20 લાખનો મુદ્દામાલ જપ્ત કરી બંને આરોપી યુવકને ભિલોડા પોલીસને સોંપવા તજવીજ હાથધરી એટીએમ કાર્ડ બદલી છેતરપિંડી કરતી મહારાષ્ટ્રીયન ગેંગના ત્રણ આરોપીને ઝડપી ચક્રો ગતિમાન કર્યા હતા જીલ્લા એલસીબી પોલીસે એટીએમ બદલી છેતરપિંડી કરવાના ગુન્હાનો ભેદ ગણતરીના મહિનામાં ઉકેલી નાખ્યો હતો