નવસારી મહાનગરપાલિકાએ હંગામી ધોરણે મુખ્ય માર્ગો પર થર્મોપ્લાસ્ટ રોડ માર્કિંગ ની કામગીરી હાથ ધરી..
વાત્સલ્યમ સમાચાર
મદન વૈષ્ણવ
નવસારી મહાનગરપાલિકા દ્વારા નવસારી શહેરમાં વાહન વ્યવહાર વધુ સરળ, સુદ્રઢ અને સુરક્ષિત બનાવવાના હેતુથી નવસારી મહાનગરપાલિકા સતત પ્રયત્નશીલ છે. તાજેતરમાં શહેરના મહત્વના માર્ગો પર થર્મોપ્લાસ્ટ પ્રક્રિયા દ્વારા રોડ માર્કિંગ અને લાઇનિંગનું કાર્ય હાથ ઘરવામાં આવ્યું છે. લુંસીકુઈ અને આસપાસના વિસ્તારો ઉપરાંત નીચે મુજબના માર્ગો પર પણ નિમ્ન કામગીરી કરવામાં આવી છે જેમાં, કામા મુનશી રોડથી સિંધિ કેમ્પ સુધી અને ઈન્કમ ટેક્સ ઓફિસથી ચારપુલ સુધી તેમજ સયાજી લાઈબ્રેરીથી ઈંદિરા ગાંધી સર્કલ સુધી તેમજ
લુંસિકુઇ ગ્રાઉન્ડનો આસપાસનો વિસ્તારના માર્ગો પર નવી સફેદ લાઈનો, ઝેબ્રા ક્રોસિંગ અને ડિવાઇડર માર્કિંગ કરવામાં આવ્યા છે, જેથી રાહદારી તેમજ વાહનચાલકોને રાહત મળે અને ટ્રાફિક નિયમન વધુ સચોટ રીતે થાય <span;>આ કામગીરી દરમિયાન વાહન ચાલકોને પણ મુશ્કેલીઓ ન પડે<span;> તેને ધ્યાને રાખી આ તમામ કામગીરી રાત્રિના સમયે ઝડપભેર પૂર્ણ કરવામાં આવી છે. નવસારી મહાનગરપાલિકા દ્વારા તમામ નાગરિકોને સુરક્ષિત માર્ગ વ્યવસ્થાપન આપવાના ધ્યેયથી આ કામગીરી શરૂ કરાઈ છે અને આવનારા દિવસોમાં વધુ વિસ્તારો આવરી લેવાશે ..
