વાત્સલ્યમ્ સમાચાર
દિપક પટેલ-ખેરગા
મ
ગાંધીનગરના યુવા સેવા અને સાંસ્કૃતિક પ્રવૃત્તિઓ કમિશનરશ્રીના માર્ગદર્શન હેઠળ તથા જિલ્લા યુવા અને સાંસ્કૃતિક પ્રવૃત્તિઓ કચેરી, નવસારીના સંચાલન હેઠળ ખેરગામ તાલુકાનો કલા મહાકુંભ – 2025-26 કાર્યક્રમ **તા. 23/07/2025 (બુધવાર)**ના રોજ જનતા માધ્યમિક શાળા, ખેરગામ ખાતે યોજાયો હતો.કાર્યક્રમની અધ્યક્ષતા તાલુકા વિકાસ અધિકારીશ્રી શ્રી મહેશભાઈ વિરાણી સાહેબે કરી હતી. કાર્યક્રમની શરૂઆત દીપ પ્રાગટ્ય અને પ્રાર્થના સાથે કરવામાં આવી હતી. શાળાના આચાર્યશ્રી ચેતનભાઈ પટેલ દ્વારા મહેમાનોને શાબ્દિક આવકાર આપીને પુષ્પગુચ્છથી સન્માનિત કરવામાં આવ્યા હતા. અધ્યક્ષશ્રીએ વિદ્યાર્થીઓને પ્રેરણાત્મક ભાષણ આપીને તમામ સ્પર્ધાઓ માટે શુભેચ્છા આપી.આ કલા મહાકુંભ હેઠળ ચિત્રકલા, નિબંધ, વક્તૃત્વ, તબલા, હાર્મોનિયમ, સમૂહગીત, લોકનૃત્ય, એક પાત્રીય અભિનય, ભજન, લોકગીત, લગ્નગીત, ભરતનાટ્યમ જેવી વિવિધ સ્પર્ધાઓ યોજાઈ હતી. જેમાં કુલ ૨૩૫ વિદ્યાર્થીઓએ ઉત્સાહપૂર્વક ભાગ લીધો હતો. સ્પર્ધાઓનું મુલ્યાંકન નિષ્પક્ષતાથી થાય તે હેતુથી જિલ્લા કક્ષાની નિર્ણાયક મંડળી શ્રી ઉમેશ મહેતાની આગેવાની હેઠળ હાજર રહી હતી.આ પ્રસંગે શ્રી જનતા કેળવણી મંડળ ખેરગામના પ્રમુખ શ્રી અરવિંદભાઈ પટેલ, ચેરમેન શ્રી પ્રશાંતભાઈ પટેલ તથા કોષાધ્યક્ષ શ્રી જગદીશભાઈ પટેલ ઉપસ્થિત રહ્યા હતા અને વિદ્યાર્થીઓને હૃદયપૂર્વક પ્રોત્સાહન આપ્યું હતું.શાળા સંચાલક મંડળ તથા જિલ્લા કક્ષાએથી સમગ્ર ટીમને કાર્યક્રમની સફળતા બદલ હાર્દિક અભિનંદન પાઠવવામાં આવ્યા હતા.
