વડોદરા જિલ્લાના ડેસર તાલુકાની વેજપૂર ગ્રામ પંચાયત દ્વારા તા. ૨/૧૦/૨૦૨૫, ગુરુવારના રોજ વેજનાથ મહાદેવ મંદિર પરિસરમાં ગુજરાત સરકારના આયોજન મુજબ ગ્રામસભાનું આયોજન કરવામાં આવ્યું હતું.
આ ગ્રામસભામાં વેજપૂર પ્રાથમિક આરોગ્ય કેન્દ્રના ડૉ. ભાર્ગવ પરમાર સાહેબશ્રીએ અધ્યક્ષ તરીકે હાજરી આપી હતી. તેમની સાથે સરપંચશ્રી, પંચાયત પ્રતિનિધિઓ અને મોટી સંખ્યામાં ગ્રામજનો પણ ઉત્સાહભેર જોડાયા હતા. કાર્યક્રમની શરૂઆત પ્રાર્થનાથી કરવામાં આવી હતી અને સમગ્ર સભાનું સંચાલન વજાભાઈ કે. પરમાર દ્વારા સફળતાપૂર્વક કરવામાં આવ્યું હતું.
મુખ્ય મુદ્દાઓ પર ચર્ચા
ગ્રામસભામાં ગામના વિકાસ અને સુખાકારી સંબંધિત વિવિધ મુદ્દાઓ પર વિસ્તૃત ચર્ચા કરવામાં આવી હતી, જેમાં મુખ્યત્વે નીચે મુજબના વિષયો પર ભાર મૂકવામાં આવ્યો હતો:
* સ્વચ્છતા અભિયાન: *”સ્વચ્છતા ત્યાં પ્રભુતા”ના સંદેશને ઘર ઘર સુધી પહોંચાડવા માટે લોક ભાગીદારીતા પર ચર્ચા કરવામાં આવી હતી. સરપંચશ્રીએ *”સ્વચ્છ ભારત”**ના સ્વપ્નને સાકાર કરવા જનતાને સહકાર આપવા અને સહભાગી બનવા માટે ખાસ અપીલ કરી હતી.
* જળ સંચય: સરપંચશ્રીએ *”જળ એ જ જીવન છે”*ના મહત્ત્વ પર પોતાના વિચારો રજૂ કર્યા હતા અને પાણીના સંરક્ષણ અને સદુપયોગ માટે જનજાગૃતિ ફેલાવી હતી.
* સરકારી યોજનાઓ: વૃદ્ધ પેન્શન યોજના, વિધવા પેન્શન યોજના, નિરાધાર વૃદ્ધ પેન્શન યોજના અને વિકલાંગ પેન્શન યોજના જેવી વિવિધ સરકારી યોજનાઓ વિશે પાત્રતા ધરાવતા ઇસમોને જાગૃત કરવામાં આવ્યા હતા. સરપંચશ્રીએ પાત્રતા ધરાવતા લાભાર્થીઓને મદદરૂપ થવા માટે પોતે રસ લઈ સહાય કરવાની તૈયારી દર્શાવી હતી.
* જન જાગૃતિ: રેશનકાર્ડને લગતા KYC કે અન્ય મહત્ત્વના કાર્યો વિશે જનતાને જાગૃત કરવામાં આવ્યા હતા. ઉપરાંત, ખેડૂતલક્ષી યોજનાઓ વિશે પણ ચર્ચા કરવામાં આવી હતી.
* PM સૂર્ય ઘર યોજના: સરપંચશ્રીએ ખાસ કરીને PM સૂર્ય ઘર યોજનાનો લાભ લેવા માટે લોકોને માહિતગાર કર્યા હતા અને વધુમાં વધુ પરિવારો આ યોજનાનો લાભ લે તેવી ભારપૂર્વક અપીલ કરી હતી.
અધ્યક્ષસ્થાનેથી ડૉ. ભાર્ગવ પરમાર સાહેબશ્રીએ તમામ કાર્યક્રમોમાં સહકાર આપી એક જાગૃત નાગરિક તરીકે ગ્રામની સુખાકારીમાં સહભાગી બનવા તેમજ સ્વચ્છતા જાળવવા માટે ગ્રામજનોને અપીલ કરી હતી.
કાર્યક્રમના અંતે, વજાભાઈ કે. પરમારે ઉપસ્થિત સૌનો આભાર માની ગ્રામસભાને સફળતાપૂર્વક પૂર્ણ જાહેર કરી હતી.
